العاملون فى السياحة: شرم الشيخ مش لوحدها

02:00 ص | الأربعاء 25 نوفمبر 2015

ليست شرم الشيخ فقط، فأسوان، الأقصر، الفيوم، الجيزة، والواحات، وغيرها من المدن المصرية تحتاج إلى دعاية سياحية، فالركود يضرب العاملين فيها منذ سنوات، ومع ذلك لم يكن لها أى نصيب فى الدعاية التى صنعت خصيصاً من أجل شرم الشيخ. حال العاملين فى الأماكن السياحية فى ربوع مصر، ربما يكون أسوأ من حال العاملين فى شرم الشيخ، فلا سياحة ولا دعاية ولا أمل فى إنقاذ الحال، فى الفيوم هناك أماكن سياحية متنوعة منها وادى الريان، وادى الحيتان، قصر البارون، قرية دهب، السبع سواقى، وغيرها ومع ذلك يجلس العاملون دون عمل، ما دفع بعضهم إلى ترك السياحة لإنقاذ أسرته من الجوع، «سبت مهنتى، مفيش زبون واحد من سنين، وماحدش من الدولة مهتم ولا بيبص على الفيوم المظلومة» قالها «أحمد محمود»، الذى كان يعمل فى منتجع سياحى، ويعمل الآن فى المعمار: «أعمل إيه، عندى ولاد فى المدارس ومصاريفهم كتير، لو قعدت فى السياحة مش هلاقى أأكله».

{long_qoute_1}

فى القناطر الخيرية الوضع يزداد سوءاً، يروى بعض مآسيه محمد صلاح، أحد العاملين بالقناطر الخيرية: «القناطر الخيرية حالها واقف من زمان، ماحدش بيتكلم عننا، مفيش إعلانات ولا دعاية ما أعرفش ليه؟»، مؤكداً أن السياحة التى تعتمد على الأجانب اختفت تماماً منذ سنوات. «الناس جالها إحباط، حتى الجامعات اللى كانت بتشغلنا فين وفين لما تيجى، بنقعد بالأسبوع مانستفتحش»، قالها «حسن حسين»، أحد العاملين بالقناطر، مؤكداً أن القناطر قديماً، كانت أهم مكان ترفيهى سياحى ثم أصبحت لا شىء.

قصر المنتزه.. معلم سياحى فى الإسكندرية

«ناجى نبيل»، مرشد سياحى، قال إن هناك مناطق كثيرة حالها أسوأ مليون مرة من شرم الشيخ والغردقة: «فيه مناطق بقالها 5 سنين حالها واقف»، مؤكداً أن مصر مليئة بالأماكن المنسية، أسوان، الأقصر، الفيوم، الإسكندرية، وسقارة وغيرها، لافتاً إلى وجود أماكن مغلقة بسبب عدم وجود سائحين فيها نهائياً: «ليه الدولة مش مهتمة غير بشرم الشيخ، ليه الإعلام مبيتكلمش عن الأماكن التانية اللى محتاجة دعاية عشان الناس اللى فيها يعيشوا؟».

وطالب «نبيل» بعمل دعاية بالاستعانة بخبراء السياحة: «عايزين نعمل دعاية سياحية صح، نطلع خبراء سياحة يتكلموا عن مصر كلها، مصر فيها أماكن عظيمة مش واخدة حقها»، متمنياً أن تأخذ جميع المناطق فى مصر نفس قسط الدعاية المسخرة لشرم.