ناقد فني يشيد بأداء نور محمود في مسلسل عايشة الدور: «يبني تاريخه بمزاج»
ناقد فني يشيد بأداء نور محمود في مسلسل عايشة الدور: «يبني تاريخه بمزاج»
أشاد الناقد الفني حسين إسماعيل، في منشور كتبه عبر حسابه الشخصي بموقع التواصل الاجتماعي فيسبوك، بالفنان نور محمود بسبب دوره في مسلسل عايشة الدور بطولة الفنانة دنيا سمير غانم.
ناقد فني يشيد بالفنان نور محمود
ونشر حسين إسماعيل صورة للفنان نور محمود والفنانة دنيا سمير غانم، وعلق قائلأ: «نور من الممثليين القلائل اللي صعودهم هادئ ومنضبط ومتماسك، يعني مثلا مش هتلاقي ليه دور مكنش لايق عليه، ومش هتلاقي دور مكنش مينفعش هو اللي يعمله، أدوار كلها مفصلات مهمة دراميا ومبينة صح، وأعتقد ده أختياره هو بدقة، مشاركاته كلها في أعمال لها قيمة عالية سواء قيمة ترفيهية أو قيمة دراماتيكية، مش ممكن تشوفه وتختلف عليه».
وأضاف الناقد الفني: «أشعر طول الوقت إنه بيحافظ علي هيئته ورمزيته في الشارع، وبيبني مستقبل درامي مفيهوش عوار ولا فيه شوائب، ومعندوش إشاعات مغرضة ولا ترندات تافهة، ممثل قيمته عالية وأداءه هادئ ورزين وعاقل، بيبني تاريخه بمزاج زيه بالظبط زي اللي بيبني فيلته بمزاجه الشخصي وبيحط هو جمالياته فيها».
أبطال مسلسل عايشة الدور
مسلسل عايشة الدور بطولة دنيا سمير غانم، نور محمود، رحاب الجمل، أميرة أديب، وفدوى عابد، وأحمد فاضل، و أحمد عصام السيد ومن إنتاج محمد أحمد السبكي وتأليف كريم يوسف وأحمد الجندي وأشرف نصر وندى عزت وسامح جمال وإخراج أحمد الجندي.
