سلوى خطاب: «الست ملهاش غير فلوسها وصحتها»
سلوى خطاب: «الست ملهاش غير فلوسها وصحتها»
أكدت الفنانة سلوى خطاب أهمية اعتناء المرأة بنفسها، مشيرة إلى أن المرأة يجب أن تهتم بصحتها وجمالها قبل أي شيء، لأن ذلك ينعكس على حالتها النفسية وقدرتها على العطاء: «أنا بحب الست اللي بتاخد بالها من نفسها، لو ماخدتش بالها من نفسها محدش هياخد باله منها».
اهتمام المرأة بصحتها
وأوضحت «خطاب»، خلال لقائها مع الإعلامية أسما إبراهيم في برنامج «حبر سري»، المُذاع عبر شاشة «القاهرة والناس»، أنها تحب النساء والفتيات اللاتي يهتممن بأنفسهن، مضيفة: «لو مش مهتمة بنفسك، مش هتقدمي حاجة لحد.. لازم تهتمي بشعرك، ببشرتك، بصحتك.. ده مهم عشان نفسك قبل أي حد تاني، لازم تشوفي زيت لشعرك وكريم لوجهك، لأن ده بيريح نفسية السيدات بشكل كبير».
أهم ما تملكه المرأة
وتابعت الفنانة سلوى خطاب،: «فلوسك وصحتك هم الأساس.. أهم ما تملكه المرأة هو صحتها واستقلالها المادي، الست مالهاش غير فلوسها وصحتها.. كل حاجة تانية بتيجي وتروح، لكن دول الأساس».
