"العروسة المزيفة": "وفرت لخطيبي الفلوس ورفضت مقاضاة نانيس سليم"

"العروسة المزيفة ونانيس سليم"، أصبحت من أكثر الجمل انتشارا عبر مواقع التواصل الاجتماعي "فيس بوك" و"تويتر" على مدار اليومين الماضيين. جاء ذلك بعد أن انتقدت خبيرة التجميل، نانيس سليم، العروسة "إسراء" (26 عاما)، ووضعت صورتها عبر صفحتها الرسمية على "فيس بوك" مرفقة بها كلمة "العروسة المزيفة" واتهمتها بالنصب، بعد أن ادعت العروس أنها إحدى المدعوات للفرح وليست العروسة، وعلى إثرها ألغت نانيس "السواريه ميك أب"، لعدم وجود أمانة في التعامل، على حد قولها. وبعد أن شهرت "نانيس" بالعروسة حسب وصف النشطاء،"انقلب السحر على الساحر"، وانهالت التعليقات بالسلب عليها فكان السواد الأعظم من التعليقات في غير صالح خبيرة التجميل، واصفين إياها بأنها "نصابة" كما وصفت العروسة، ما أدى إلى تقديم خبيرة التجميل اعتذارا لأعضاء الصفحة عما بدر منها من نشر صورة العروسة، لكن اعتذارها لم يخفف من حدة الموقف إذ شن الأعضاء حملة شرسة على صفحتها. وقالت "إسراء" عبر حسابها الشخصية على "فيس بوك"، "كفاية أوي عندي الناس دي وهما عارفين أن هي اللي نصابة والحمدلله أنا مش أنا اللي أعمل كدة، فيها أيه لما أوفر لخطيبي وأدفع 2000 بدل 5000 مش حرام، والحمدلله محمد عارف من الأول علشان أنا مش نصابة، حسبي الله ونعم الوكيل ناس معرفهاش أهي ده في تاني كمان وفي صحابي قلت بس أعرّف الناس نانيس دي أيه ومنك لله أنا كان قصدي خير مش شر وربنا ينكد عليكي ويفضحك زي ما شهرتي بيا أقسم بالله أني حالا ظابط قالي هحبسهالك وأنا قولت حرام والناس قالتلي يعنى هي تأذيكي وأنتي ﻻ قلتلهم في ربنا وهو اللي هياخدلي حقي وكفاية أن ناس بعتالي أنهم عرايس وكويس أن الحوار ده حصل علشان ميروحلهاش الحمدلله حقي جالي في ساعة واحدة". واستكملت: "بجد مبسوطة جدا من رأي الناس وكنت مكسوفة في الأول بس طلع أن كل البنات الكويسة اللي بيراعوا أجوازاتهم بيعملوا كده مش أروح أدفع ميك أب بس 5000 ده غير شعري والفستان ده غير الفرح والسفر ليه يبقى حرام عليا لو هدخل حياه جديدة وأنا مستغلاه كدة ربنا يعلم أنا كان قصدي خير وعلشان كدة ربنا جابلي حقي وبدل يا نانيس ما خسرتي 5000 خسرتي كل الناس دي وربنا هيوقفلك حالك إن شاءالله زي مانكدتي عليه أنا وجوزي وإحنا في شهر العسل والـ 400 رسالة اللي عندي من ناس معرفهاش دول أنا بشكركوا من قلبي مش عارفة أقولكوا أيه بجد ربنا يخليكوا ليا".