في ذكرى ميلادها.. نجل فايزة كمال يعاتب والدته بكلمات مؤثرة
في ذكرى ميلادها.. نجل فايزة كمال يعاتب والدته بكلمات مؤثرة
وجّه يوسف، نجل الفنانة الراحلة فايزة كمال، رسالة مؤثرة لوالدته في ذكرى ميلادها، وذلك عبر حسابها بموقع التواصل الاجتماعي فيسبوك.
وكتب يوسف، نجل فايزة كمال: «رسالة لحبيبتي في عيد ميلادها.. معرفش هتوصل ولا لا.. زوزو تحية طيبة وبعد؛ أولا ازيك.. يا رب تبقي بخير ومبسوطة في المكان اللي انتي فيه حتى لو المكان ده ضلمة وساكت بس أنا عارف أنه أريحلك من هنا، ثانيا أنا تقريبا بقيت مخرج وممثل زيك انتي وبابا مش عارف ده خبر حلو ولا وحش؟».
وتابع: «ثالثا متسألينيش خطبت ولا لسه عشان كل ده كنت بدور على حد شبهك وده صعب قوي.. أنتي السبب، رابعا إيه المشهد اللي كنتي بتقعي فيه قدام عربية أحمد عبدالعزيز ده؟ الناس كلوا وشي يا ماما، لما أجيلك نتفاهم، خامسا وحشتيني قوي، سادسا أنا بقيت بسمع فيروز أكتر منك».
واستطرد نجل فايزة كمال: «سابعا وحشتيني تاني، ثامنا إيه موضوع أنك طلعتي من الفيوم ده يا ماما فيه ناس قالولي إحنا قرايبكم، تاسعا وحشتيني قوي تاني، أخيرا أنا زعلان منك عشان صدقتك لما قولتيلي إن كل حاجة بتعدي وأنا أهو بقالي 10 سنين كل سنة بزعل أكتر ومفيش أي حاجة بتعدي على أمل اللقاء القريب.. ابنك يوسف».
وفاة الفنانة فايزة كمال
يذكر أن الفنانة فايزة كمال رحلت عن عالمنا يوم 26 مايو 2014، وذلك بعد صراع مع مرض سرطان الكبد.
