أحمد سعد يختتم الصيف بطرح أغنية «بنت ناس»
أحمد سعد يختتم الصيف بطرح أغنية «بنت ناس»
طرح النجم أحمد سعد، أحدث أغانيه التي تحمل اسم «بنت ناس» على موقع الفيديوهات «يوتيوب».
وأغنية «بنت ناس» من كلمات مصطفى حدوتة، ألحان وليد العطار، وجاءت كلمات الأغنية على النحو التالي:
تضحكلي الدنيا في ضحكتها
ويسرقني الوقت في قعدتها
دي بتاخد العقل بحلاوتها
أنا مقابلتش أجمل منها
تتدلع تختارعلي ذوقها
وبسيبها على راحتها بشوقها
عيني بتحسدها علي هدوئها
أنا مببطلش كلام عنها
دي بنت ناس
وتختلف عن كل الناس
ولو كان للقمر انعكاس
هينعكس على مرايتها
دي بنت ناس
بجمالها يشهد كل الناس
وعيون جميلة مليانه احساس
مبشوفش حد في رقتها
بيروقلي الجو بروقانها
اسمي بيحلو على لسانها
ولا حتى أربعة يملو مكانها
لا هي وبس مفيش غيرها
بتمزج لما أسمع صوتها
بتمزج أوي لما ابسطها
وموافق على كل شروطها
مش شايف في الدنيا دي غيرها
دي بنت ناس
وتختلف عن كل الناس
ولو كان للقمر انعكاس
هينعكس على مرايتها
دي بنت ناس
بجملها يشهد كل الناس
وعيون جميلة مليانه احساس
مبشوفش حد في رقتها
واحتفلت مؤخرًا مصممة الأزياء علياء البسيوني بعيد ميلاد المطرب أحمد سعد، والتقطا العديد من الصور وسيطر الحب والانسجام على المشهد، وظهر في الصور والفيديوهات التي نشرتها مصممة الأزياء علياء البسيوني، مع ابنتيهما «عليا ومريم».
وعلقت علياء على الصور قائلة: «اليوم مكانش هيعدي كدة.. كل سنة وأنت أطيب وألذ واحد في الدنيا كل سنة وأنت منور حياة كل اللي حواليك وأنا أولهم وطبعاً كل سنة وأنت أحلى حاجة في حياتنا ومقطعين بعض دايما.. مكانش ينفع أعدي اليوم ده من غير ما أقولك لأن وجودك أهم حاجة، وبيخلي الدنيا أحلى دايما.. كل سنة وأنت طيب يا حمادة».
