أسرار فرقة مسار إجباري من الإسكندرية حتى مهرجان العلمين.. «مكنش ليها اسم»
أسرار فرقة مسار إجباري من الإسكندرية حتى مهرجان العلمين.. «مكنش ليها اسم»
- مسار إجباري
- مهرجان العلمين
- صاحبة السعادة
- منى الشاذلي
- مسار إجباري
- مهرجان العلمين
- صاحبة السعادة
- منى الشاذلي
«تقع وتقوم» «كائن فضائي» «قلبك ده عنواني» وغيرها من الأغاني، التي ينتظرها الجمهور من فرقة «مسار إجباري» في حفلهم القادم، ضمن فعاليات مهرجان العلمين في دورته الثانية، المقرر إقامته في الـ16 من أغسطس المقبل.
رفض الأهل
بعد نجاح ألبومهم الغنائي «تقع وتقوم»، ظهروا في إحدى حلقات برنامج «معكم» مع الإعلامية منى الشاذلي، وكشفوا بعض تفاصيل عن الألبوم وعن بدايتهم الفنية «إحنا 5 وكل واحد فينا شاطر في حتة، الموضوع مجاش من يوم ليلة، جه على مراحل كتير جدًا، وفي كل مرحلة كنا بنتعرض لانتقادات كتير، حتى أهالينا كانوا بيقولوا، العبوا مزيكا عادي بس كملوا في مستقبلكم، بس مع الوقت بدأنا نحس بالثقة وبدأوا يقتنعوا بينا وقالولنا استمروا»
اسم مسار إجباري
ربما يتساءل الكثير من محبي «مسار إجباري» عن سبب اختيارهم لهذا الاسم، وكشفوا عن هذا الأمر خلال ظهورهم في برنامج «صاحبة السعادة» مع إسعاد يونس: «الموسيقار فتحي سلامة هو أول واحد قدمنا، كنا بناخد عنده ورشة وكنا عملنا أغنيتين بس، وقتها كان عامل حفلة بعد ما خد جائزة الجرامي، وقتها فكرنا نعتزل وكلمناه فعلًا، بس قالنا تعالوا اعزفوا الأغنيتين، واختارنا اسم الفرقة في الحفلة دي، الاسم ده طلع فجأة سنة 2005، وكملنا بقى بالاسم ده».
استوديو إسكندرية
بدأت فرقة مسار إجباري في مدينة الإسكندرية، وبعد الانطلاق الفني انتقلت للقاهرة، «في البداية كان عندنا استوديو، وبندفع الإيجار من مرتباتنا، لحد ما حصلت مشكلة في الاستوديو ده، وبعدين جينا القاهرة خدنا الاستوديو بتاعنا في المعادي، إحنا اتأخرنا إننا نيجي القاهرة، بس لو كنا جينا بدري شوية كان ممكن نتأثر بالسوق ومتطلباته».
