مصطفى كامل بعد رحيل حمادة أبو اليزيد: «كان حاسس إنه هيفارقنا من 20 يوم»
مصطفى كامل بعد رحيل حمادة أبو اليزيد: «كان حاسس إنه هيفارقنا من 20 يوم»
حرص الفنان مصطفى كامل، نقيب الموسيقيين، على رثاء المايسترو حماده أبو اليزيد، بعد رحيله، وكشف كواليس اللقاء الأخير الذي جمعهما، وذلك عبر صفحته الخاصة على منصة التواصل الاجتماعي «فيسبوك».
مصطفى كامل يكشف كواليس اللقاء الأخير مع حمادة أبو اليزيد
وكتب مصطفى كامل: «يا حبيبي يا حمادة.. أنا مش مصدق إني وصلتك ورجعت ومش هشوفك تاني، أنت كمان تعبت يا حبيبي وكتر خيرك على كل اللي قدمته معايا، وربنا يجازيك به خير، ويجعله في ميزان حسناتك، والله العظيم هتوحشني يا أبو اليزيد وهتوحشني اتصالاتك بيا، وهتوحشني خبرتك الكبيرة، فضلت تقوللي خلي بالك عايزين يفرقونا، وأنا أقولك والله ما هيعرفوا، افترقنا فقط بأمر الله وقدره، وإنا لله وإنا إليه راجعون».
وتابع مصطفى كامل: «النهاردة بس لازم أقول حاجة لكل حبايبنا، أنا وأنت يا أبو اليزيد أقسم بالله العظيم حمادة كان حاسس إنه هيفارقنا من 20 يوم، كان عندي حفلة وحضرها، والشيء الغريب إنه قعد يطلب مني أغني أغنية رحلة عمري، وطول ما أنا بغني الأغنية حماده كان بيبكي بكاء غريب، وبكده رحلة عمرك انتهت ياصاحبي، لكن هيتبقي لك ذكرياتك الجميلة مع كل حبايبك الله يرحمك… سلام يا صاحبي».
