رفيقة الامتحانات.. «عبدالرحمن» يستعين بمروحة لمواجهة الحرارة والتوتر
عبدالرحمن ميرة
موجات الحرارة القاسية مع توتر امتحانات الثانوية العامة، دفعت عبدالرحمن ميرة، الطالب بمدرسة الشهيد مصطفى هلال بالحمراوي بمحافظة كفر الشيخ، إلى اصطحاب مروحة صغيرة معه أثناء أداء امتحان اللغة العربية.
مروحة «عبدالرحمن» تتحدى الحرارة والتوتر
«ارتفاع درجة حرارة الجو خلاني أجيب معايا مروحة صغيرة من البيت بتشتغل بالبطارية عشان أمشي بيها في الشارع وكمان أحطها قدامي على الدكة وأنا بامتحن عشان أعرف أركز»، ذلك ما توصل إليه «عبدالرحمن» ليزيح عنه الحرارة والتوتر.
لفت «عبدالرحمن» أنظار زملائه الطلاب وأولياء أمورهم أمام لجنة الامتحانات بعد استخدامه مروحة صغيرة متنقلة: «كل زمايلي وأولياء أمورهم كانوا معجبين بالفكرة، وقبل ما ندخل الامتحان أصحابي طلبوا مني أشغل لهم المروحة شوية تهوي عليهم، والكل سألني جايبها منين عشان عايزين يشتروا زيها».
الطالب: المروحة سهلة الحمل وبشيلها في إيدي
ليست المرة الأولى التي يصطحب فيها الطالب المروحة الصغيرة التي تعمل ببطارية، بل سبق ذلك امتحانات المواد غير المضافة للمجموع بالثانوية العامة: «من أول امتحانات الثانوية العامة ما بدأت بالمواد غير المضافة للمجموع وأنا باخد معايا المروحة لأنها سهلة الحمل وبشيلها في إيدي، ومش بتعطلني عن حاجة بالعكس دي بتخليني أركز، ولازم قبل ما أنزل من البيت أطمن عليها إنها مشحونة كويس عشان تكفيني خلال مدة الامتحان».