مصطفى عمار عن مبادرة «الوطن» لدعم «قادرون باختلاف»: «لازم يفرحوا زينا في رمضان»
مصطفى عمار عن مبادرة «الوطن» لدعم «قادرون باختلاف»: «لازم يفرحوا زينا في رمضان»
- مصطفى عمار
- مسلسلات المتحدة
- جريدة الوطن
- قادرون بإختلاف
- مصطفى عمار
- مسلسلات المتحدة
- جريدة الوطن
- قادرون بإختلاف
كشف الكاتب الصحفي مصطفى عمار، رئيس تحرير جريدة «الوطن»، تفاصيل مبادرة «الوطن» لدعم «قادرون باختلاف»، خلال مداخلة هاتفية عبر «الراديو 9090».
وقال «عمار»، «حضرت احتفالية قادرون باختلاف، وتم شحني بمجموعة من المشاعر الجميلة تجاه أبنائنا من أصحاب الهمم، والمشهد بديع لدرجة إن الدموع ملأت أعين الكثيرين، وأثناء عودتي فكرت إزاي نسعدهم، وكانت الفكرة إننا نركز على الصم وضعاف السمع لأنهم مش هيقدروا يفرحوا زينا برمضان».
وأضاف قائلًا: «الفكرة كانت عندنا وكنا هنعلن عنها قبل رمضان بأيام ولكن إعلان جمال العدل عن ترجمة مسلسل عتبات البهجة خلانا نعلن إحنا كمان علشان نتكامل جميعاً في مساعدة أولادنا من قادرون باختلاف».
وتابع: «أشكر كل المؤسسات والمبادرات اللى دعمت فكرة جريدة الوطن وقررت إنها تنضم لينا ويتبرعوا بوقتهم عشان يشاركونا فى الترجمة، وإحنا قررنا ومن أول يوم رمضان ومع نهاية كل مسلسل هيكون فيه ملخص وفيديو ومترجم بلغة الإشارة، وهتكون على كل منصات مؤسسة الوطن سواء في الفيس بوك أو تويتر أو يوتيوب، وإحنا عندنا أرقام كبيرة جدًا من المتابعين على منصاتنا».
وقال: «هيكون فيه ترجمة وملخصات الأحداث عشان اللي يتابع المسلسل يكون فاهم كل الأعمال، ومش هيكون فيه أقل من 10 لايفات كل يوم، وهيكون عندنا نشرة مرة أو اتنين عن الأحداث بلغة الإشارة، وعن السلع، وعن الأحداث السياسية، وموقف مصر من قضية غزة، والتحسن اللي بيحصل للاقتصاد المصري عشان ميبقوش عرضة للمضللين، إحنا بنتكلم فى 8 ونصف مليون مصري ضعاف السمع».
