إبراهيم سعيد: "اشتركت في رقص النجوم عشان البنات اللي فيه"
إبراهيم سعيد: "اشتركت في رقص النجوم عشان البنات اللي فيه"
سرد لاعب الكرة إبراهيم سعيد عبر حسابه الشخصي على موقع "تويتر" قصة اشتراكه في برنامج "رقص النجوم"، والذي يعرض على قناة "النهار" الفضائية، مؤكدًا اشتراكه في برامج مماثلة في الفترة المقبلة.
وكتب: "قبل ما يكلموني من لبنان بيومين تقريبًا والله مش بهزر كنت بفكر.. وقولت نفسي أعمل برنامج غريب بره بس هيجي إزاي معرفش، لقيت مكالمة من صحفي في مصر كلمني قالي عايزينك في برنامج بلبنان قالي برنامج رقص، قولتلوا إنسى، قالي هما هيكلموك".
وأضاف سعيد، "تلقيت مكالمة من لبنان بتقولي أنا ديانا، وأنت مرشح في برنامج رقص النجوم، وبعتت لينك البرنامج الأجنبي بره، وعجبني بصراحة وكان فيه مزز حلوة".
وتابع: "رديت بعدها بيومين عشان كانوا أجازة وقولتلها موافق بس بشرط أهم حاجة اللي تكون معايا تبقى مزة ولو جيت ولاقيتها وحشة همشي، قالتلي أوك هتبقى مفاجأة ليك".
وأكد أنه طلب من ديانا ألا تكون شؤيكته "نكدية"، مضيفًا: "قالتلي إحنا عرفنا إنك مجنون ومطرقع عشان كده هتنجح والبرنامج هيسمع معاك".
وأوضح أنه انتظر أسبوعًا شريكته، وأنه طلب رؤيتها قبل بدء البرنامج، وتابع: "عند أول لقاء إطمنت".
واختتم إبراهيم كلامه قائلًا: "من أحلى البرامج اللي شاركت فيها في حياتي dancing with the stars، وسأشارك في برامج من نفس المستوى بإذن الله قريبًا".
