زوجة علي الحجار تكشف كواليس أغنية «عارفة»: «اعترفلي بحبه من خلالها»
زوجة علي الحجار تكشف كواليس أغنية «عارفة»: «اعترفلي بحبه من خلالها»
في لقاء عفوي ومفاجئ تحدثت زوجة علي الحجار عن بداية علاقتهما، وذلك خلال حضورها بين الجماهير للقاء زوجها في برنامج «Sold Out» مع الإعلامي محمود سعد، وبالرغم من كونها الزوجة الخامسة في حياة الفنان إلا أنها أطولهن في الفترة التي قضتها معه، والتي وصلت إلى 15 عامًا.
وبدأت زوجة علي الحجار حديثها بكلمة «بحبك»، ليرد عليها الحجار قائلا: «والله أنا عارف إنك هتقولي كده».
وعن قصة أغنية عارفة التي قدمها الحجار لها، فقال: «الأغنية عاكستها بيها عارفة معمولة من قبل ما أعرفها، فهي أغنية قديمة ولكن لما عرفتها عن طريق صاحبتها اللي متجوزة صاحبي قدمتها لها».
التعارف بين علي الحجار وزوجته
وقالت زوجة علي الحجار: «طريقة التعارف بينا كانت عن طريق إن صاحبتي متزوجة صديق علي ورحت عندهم واتقابلت مع علي، والبداية مكانتش إعجاب وحب على طول البداية كانت تعارف وشوية شوية بقينا أصحاب».
وأضافت: «هو قعد فترة طويلة أوي يرخم عليا وإحنا كنا بنتقابل كتير كشلة أصحاب، وهو أتاريه بيعاملني كده علشان ضحكت زيادة أو قولت حاجة مش عجباه ومكنتش فاهمة كده بس كنت بسأل نفسي بيعاملني وحش ليه».
عارفة وقصة الحب بين علي الحجار وزوجته
وأكملت زوجة علي الحجار: «وفي يوم اتخانقنا و(علي) مشي، وبعدين جه واحد صاحبنا قالي بيحبك على فكرة، قولتله كده بيحبني وبعد كده فهمته وخدنا هدنة، وبدأنا نبقى أصحاب أكتر وبنتكلم بهدوء لحد ما بعتلي على التليفون أول كوبليه من أغنية عارفة فاعتبرته اعتراف».
