"نوران": معا ضد إلقاء الأطعمة المسممة لقتل القطط والكلاب

على بعد أمتار من هياكل فراخ ملقاة على الأرض، تجد قططًا وكلابًا على جانبي الطريق بعضها فارق الحياة والبعض الآخر ينازع في النفس الأخير من شدة الألم.. مشهد استوقف "نوران" – المحبة للحيوانات – داخل مدينة الرحاب، لقطط وكلاب ضالة مسمومة يضع لها مجموعة من السكان السم في الطعام. "معًا ضد إلقاء الأطعمة المسممة في شوارع الرحاب لقتل القطط والكلاب"، الدعوة التي وعظت من خلالها الشابة العشرينية سكان مدينتها، لوقف دس الطعام المسموم في الشارع للحيوانات الضالة، "جمعت من الشارع الأطباق اللي فيها هياكل الفراخ المسمومة، وعديت على كل بيت من جيراني وبعيد عن مجموعة 40 اللي بيتي فيه، عشان أوريهم إني في سكان في المدينة بيموتوا الكلاب والقطط بطريقة بشعة ويقفوا معايا عشان نمنعهم"، مضيفة "القطط اللي سموها لحد دلوقتي أكتر من الكلاب، كل يوم أطلع من البيت ألاقي الأطباق المسمومة موجودة بكثافة في الشارع والحدائق والقطط بتموت جنبها والناس بتعدي من جنبها ولا كأنهم شايفين حاجة".[SecondImage] انقسم سكان الرحاب إلى قسمين بعد دعوة "نوران" ضد إلقاء الأطعمة المسمومة لقتل الحيوانات الضالة بمدينتها، "فيه مجموعة من السكان دعموني واتفقنا أي حد فينا يلاقي طبق فيه أكل يرميه عشان أكيد هيبقى مسموم وخطر على الأطفال كمان، وفيه سكان كانوا مش مهتمين بالخبر ولا اللي بيحصل ولما بلغنا الجهاز اكتشفنا من ردوده إنه عنده علم بالأكل المسوم اللي انتشر في الفترة الأخيرة في الرحاب وكالعادة رد علينا أنه هيتصرف ومفيش أي إجراء جديد حصل"، مضيفة: "حاولت أنقذ القطط والكلاب اللي كان فيهم نفس مع السكان اللي شاركوا معايا في إنقاذهم، بس من شدة نوع السم الدكتور قالي محدش فيهم هيعيش، والكلاب والقطط عماله تموت والمجزرة مستمرة بالأطباق المسمومة اللي بتزيد ومش عارفين نتصرف".