"محمود": أقنعوني إنهم بعيد عن "طلاب ضد الانقلاب" وفي الآخر طلعوا إخوان

"طلاب المدارس ضد الانقلاب".. لافتة يحملها مجموعة من طلاب مدارس منطقة الخلفاوي بشبرا، يهرولون بها في الشارع الرئيسي بين السيارات، أثناء ساعات اليوم الدراسي، اعتراضًا على براءة "مبارك"، مشهدهم المتكرر وضحه "محمود"، طالب ثانوي وأحد الطلاب المشاركين في المسيرة، أن وقفتهم من أجل المطالبة بـ"إعدام مبارك".[SecondImage] خرج "محمود"، طالب ثانوي، من بيته واقفًا أمام بوابة مدرسته، في انتظار تجمع زملائه لبدء مسيرتهم الخاصة خارج سور المدرسة، "أقنعوني إننا هنبقى بعيد عن طلاب ضد الانقلاب اللي معروفين إنهم بيعملوا شغب على طول وبيحرقوا ويدمَّروا في الجامعات، وإنهم عاملين حاجة جديدة لطلاب المدارس في منطقتنا من بعد ما مبارك أخد براءة، عشان نطالب بإعدامه"، مضيفًا: "روحت معاهم يوم واحد بس وعرفت إن مش هدفهم إعدام مبارك وبس، لكن لقيت بنات وولاد اتجمعوا من مدارس جنبنا وعمالين يشتموا في الجيش والشرطة وبيطلبوا كمان برجوع الشرعية، فعرفت إنهم تبع الإخوان وفهمت إني اضَّحك عليا وكفاية اسم حركتهم اللي كان على البانر". في منتصف اليوم الدراسي، رجع "محمد" (17 عامًا) إلى مدرسته تاركًا طلاب الإخوان في المسيرة، "بواب المدرسة مرضاش يدخلني خالص وفضلت واقف لحد ما اللي كانوا معايا رجعوا ومرضاش يدخلهم بردوا، في ناس من أصحابي مفرقتش معاهم عشان أهاليهم عارفة، بس أنا أهلي ميعرفوش إني شاركت معاهم وفضلت أحاول أدخل عشان مكتبش غياب وأقولهم اتأخرت في الطريق، لاقتهم عارفين إني كنت في المسيرة وإنهم هيبلغوا أهلي". "مفيش تعليم من غير حرية".. رد غريب جاء على لسان أولياء أمور "طلاب المدارس ضد الانقلاب"، التي تفاجأ بها أحمد ثابت، مدرس بمدرسة الخلفاوي، أثناء إبلاغه تكرار عدم حضور أبنائهم في المدرسة بسبب مشاركتهم في مسيرات خارجها، "معظم الأهالي ردوا عليا كأنهم فرحانين بعيالهم واللي بيعملوه، أنا جالي أمر من المدرسة إني أبلغ أهاليهم تليفونيًا بعد ما بعتنا تلغرافات وقليل اللي رد علينا وعيالهم التزموا"، مضيفًا "عددهم محدود بس برضه ده واجبنا وهما عندنا أمانة، وإدارة المدرسة طلعت قرار لو طالب كرر غيابه بسبب مشاركته في مسيرة إخوانية هيتحرم من امتحانات الترم الأول".