السيسي لـ«المصريين»: «اتحملوا معانا عشان خاطر مصر»

قال الرئيس عبد الفتاح السيسي، إنه يتم عمل إجراءات حماية مجتمعية تستهدف الطبقات الأكثر احتياجًا، موجهًا حديثه للإعلامية عزة مصطفى: «بنقول في الإجراءات دي طالما الأستاذة عزة تقدر تشتري وتجيب، يبقى خلاص تمام، بس اللي ميقدرش يجيب إحنا مش هنسيبه طبعًا، ودي مسؤولية قدام ربنا، عاوز أطمئنكم وأقول لكم إحنا بخير أوي».

السيسي: السلع متوفرة لحد آخر السنة 

وأضاف السيسي، خلال مداخلة هاتفية في برنامج «صالة التحرير»، الذي يُعرض على شاشة «صدى البلد»، مع الإعلامية عزة مصطفى: «نحمد الله رب العالمين، عندنا احتياجاتنا مش يوم ولا اثنين ولا شهر لا أكتر، الحاجة موجودة وحريصين تبقى موجودة، وبنحاول ميكنش سعرها كبير على عاتق الناس، اتحملوا معانا عشان خاطر مصر، مش عشان خاطري أنا، عشان خاطرها هي، مصر اللي حميانا وعايشين على خيرها، وحرصنا وهنحرص أن تكون السلع موجودة لحد آخر السنة».

• السيسي
• حماية مجتمعية
• صالة التحرير
• الرئيس السيسي
• السلع
• السيسي
• حماية مجتمعية
• صالة التحرير
• الرئيس السيسي
• السلع