بريد الوطن .. ألو..
بريد الوطن .. ألو..
أنا الماضى اللى سبتيه وراكى
واتناسيتيه
ألو..
أنا الدنيا اللى من بعدك بتضيق ف عنيه
ألووو..
وأنا الحاجة اللى أنا ف البُعد
جاية عليه
ألوووو
وأنا الدمع اللى ليل ونهار نازل ف عنيه
ألو
تسيبى ازاى ضنى روحك
وليه تنسيه
وليه
يا دنيا ف حالنا م الأول
ماسبتيش؟.. عيب!
ليه اختارتينا نتقابل
ما دام شايفة الفراق ف الغيب
مفيش فى الجرح أصعب من لُقاك بحبيب
تآمن بيه يآمن لك وبرضه يسيب
محمد خميس الحاوى
يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
