«جودو» حول سطح منزله لحواري مصر القديمة برمضان: قعدة عربي وبورجيلة
«جودو» حول سطح منزله لحواري مصر القديمة برمضان: قعدة عربي وبورجيلة
- جودو يحتفل برمضان على السطوح
- رمضان على السطوح
- شهر رمضان
- عزبة النخل
- الخيامية
- جودو يحتفل برمضان على السطوح
- رمضان على السطوح
- شهر رمضان
- عزبة النخل
- الخيامية
ما زالت الأجواء الرمضانية تسكن الشوارع والحواري، ومع تعدّد مظاهر الاحتفالات المختلفة، ابتكر «جودو» حيلاً جديدة لتزيين أسطح المنازل، تعكس روحانيات الشهر الكريم، وبدأ التجربة بسطح منزله.
بدأ محمد أيمن، الشهير بـ«جودو» تنفيذ الفكرة على سطح منزله بـ«عزبة النخل» بالقاهرة منذ 5 سنوات، ليُضيف إليها كل عام لمسات وأفكاراً جديدة، حسبما روي: «بدأنا نزين السطح ونعمل فيه قعدة عربي من 2015، وهدفنا من الفكرة أننا نحافظ على أجواء رمضان قبل ما تختفي، الحلو في الموضوع أن الفكرة بدأت تنتشر فى المنطقة هنا، والأسطح المجاورة بدأت تقلدها، والمكان بصراحة بقى غاية فى الجمال، لدرجة إنه بقى ييجي لنا ناس عايزين يعملوا سيشن تصوير على السطوح».
«جودو»: بحاول تقليد الملامح القديمة للفوانيس والزينة
حرص «جودو» قدر المستطاع تقليد الملامح القديمة للفوانيس والزينة: «حاولت أنا ومازن وبابا نقلد شكل الزينة بتاعة زمان، يعنى خلينا ديكور المكان شبه الشوارع والحواري، الفوانيس والزينة المثلثات القديمة، وعملنا على نفس السطح قعدة عربي لزوم السحور، سواء أنا وأصحابي، أو أنا والعيلة، وتجهيز المكان أخد مننا من شهر ونص لشهرين تقريباً».
«جودو»: «مازن أخويا اللى راسم الخيامية على جدران السطح»
شارك «جودو» تنفيذ فكرته مع والده وأخيه كعادة العائلات القديمة في تزيين الشوارع والمنازل، موضحا لـ«الوطن»: «مازن أخويا اللي راسم الخيامية على جدران السطح، وبابا اللي عامل الفوانيس الخشب، وده كله كان خشب قديم عندنا وعملنا له إعادة تدوير وركبنا له لمبة، إحنا عملنا كل الديكورات هنا على السطح بإيدينا، عملنا فروع زينة ورسمنا جداريات وعملنا فوانيس وبورجيلة بالخشب، وقدرة فول، وأوضة تانية عاملينها مطبخ بنجهز فيها الأكل والمشروبات، وطبعاً باقي السطح مليان زرع نعناع وورد وفل وياسمين، المكان متجهز من كل حاجة، وبعزم أصحابى كل يوم ونتسحر مع بعض، ونشرب شاي بالنعناع فى آخر السهرة».
