بريد الوطن .. ملامحك يابا
بريد الوطن .. ملامحك يابا
وحشتنى ملامحك يابا
فبشوفهم فِ إخواتى
زرعك كان كله طيابه
وكاااات الريّة يوماتى
باتعكز فِ شبابى عليهم
من بعد مابُعدك شيّبنى
بُعدك بقى قاطع فى حياتى
وكإنك يابا.. كنت ابنى
زرنى ف أحلامى وحياتى!
وغلاوتك!
حلفان بغلاوتك يِغْلبنى!!!
قالب حِنيتك كان غالب
والدنيا فِ غيابه مخالب
ووعود الحنية بَعدك
كات فقرة هتتذاع ف مقالب
خايف لافتكرك قدامهم
فالدمعة تكون سهم وصايب
فالناس طبعاً هيقولوا: خايب
الحاوى
يتشرف باب «نبض الشارع» باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
