قاتل روان الحسيني: مشيت وراها وطلبت منها تطلع معايا السطح علشان الفلوس
قاتل روان الحسيني: مشيت وراها وطلبت منها تطلع معايا السطح علشان الفلوس
- كفر الشيخ
- روان الحسيني
- الطالبة روان الحسيني
- روان الحسيني، لاعبة كرة السرعة
- روان الحسيني، بطلة العالم في كرة السرعة
- قاتل روان الحسيني
- مقتل روان الحسيني
- كفر الشيخ
- روان الحسيني
- الطالبة روان الحسيني
- روان الحسيني، لاعبة كرة السرعة
- روان الحسيني، بطلة العالم في كرة السرعة
- قاتل روان الحسيني
- مقتل روان الحسيني
كشفت التحقيقات التي أجرتها نيابة مركز دسوق بمحافظة كفر الشيخ، أن إبراهيم إبراهيم معوض، 27 عاماً، مقيم بحي المنشية بدسوق، والمتهم بقتل الطالبة روان الحسيني، بطلة العالم في كرة السرعة، طلب من المجني عليها الصعود معه إلى أعلى العمارة السكنية للتفاهم معها، لكنه ابتزها وطلب منها أموالا.
وتواصل «الوطن» انفرادها بنشر نص التحقيقات في قضية مقتل الطالبة روان الحسيني، التي هزت الرأي العام في كفر الشيخ، بعدما عُثر عليها مقتولة أعلى سطح عمارة سكنية مساء يوم 17 يناير الماضي.
* ما سبب ومناسبة تواجدك بمكان الجريمة؟
- أنا كنت راجع من الشغل وبالصدفة قابلت روان في الشارع.
* وما هي ظروف مقابلتك مع المجني عليها روان محمد الحسيني؟
- كنت مروح من الشغل فلقيتها ماشية في الشارع، فقلت أمشي وراها، ودخلت العمارة اللي فيها مغسلة جنب بنك فدخلت وراها.
قاتل روان الحسيني: «ملمستهاش»
* قمت بالاعتداء على المجني عليها آنذاك؟.
- أنا ملمستهاش أصلا، أنا اتكلمت معاها.
* وما هو مضمون الحوار الذي دار بينكما آنذاك؟
- قاتل روان الحسيني يقول: أنا لحقتها في المدخل وقلت ليها مش هأذيكي، أنا عايزك تراضيني، فلقيتها بتديني 50 جنيه، قلت لها مش نافعة، قالت لي انت عايز إيه؟، قلت لها تعالي نتفاهم فوق وطلعنا فوق سطح العمارة.
* ما هي كيفية حصولك على المبلغ المالي من المجني عليها؟
- اديتني الفلوس بمزاجها، أنا ما أجبرتهاش.
* وما الذي دار بينكما عقب ذلك حال تواجدكما أعلى العقار؟
- قلت ليها راضيني، قالت لي طب خد الـ50 جنيه، ومعايا حلق دهب خده، بس أضمن إنك مش هتؤذيني، فقلت لها معاكي قرآن؟، قالت لي ايوه قلت لها أحلف لك عليه وخلعت الحلق واديتهولي.
روان الحسيني حاولت الصراخ فخنقها المتهم بحجابها
* وهل قمت بالتعدي على المجني عليها آنذاك؟
- لا.. هي حطت الموبايل على الأرض علشان تخلع الحق واديتهولي، وأنا مضرتهاش، لكن في الوقت نفسه لقيتها بتحاول تصرخ وتجري.
* وما الذي دعاها للصراخ أو محاولة الفرار منك على الرغم من اتفاقك معها على عدم الأذى؟
- هي أكيد خافت، بس أنا فعلا حلفت ليها إني مش هأذيها، وفي الوقت ده مسكتها علشان متحاولش تصرخ ولا تجري، وكنت واقف في ظهرها وشديتها من الطرحة لما حاولت تصرخ، وقلت ليها متصرخيش وأنا شادد الإيشارب، ودقيقتين معرفش إيه حصل.
* وهل استبان لك اختناق المجني عليها.. وما حالتها حال سقوطها أرضا؟
- أنا لقيت أعصابها بتسيب، فأول ما لقيتها كده سبتها وهي كانت بتنازع، ووقعت على الأرض وسبتها بتتوجع ونزلت جري.
- كفر الشيخ
- روان الحسيني
- الطالبة روان الحسيني
- روان الحسيني، لاعبة كرة السرعة
- روان الحسيني، بطلة العالم في كرة السرعة
- قاتل روان الحسيني
- مقتل روان الحسيني
- كفر الشيخ
- روان الحسيني
- الطالبة روان الحسيني
- روان الحسيني، لاعبة كرة السرعة
- روان الحسيني، بطلة العالم في كرة السرعة
- قاتل روان الحسيني
- مقتل روان الحسيني
