«أبانوب» شاب يحول العرائس إلى دمى ناطقة.. بيتكلم من بطنه «فيديو»
«أبانوب» شاب يحول العرائس إلى دمى ناطقة.. بيتكلم من بطنه «فيديو»
- أبانوب فيلكس
- أبانوب
- بيطلع صوته من بطنه
- موهبة أبانوب
- موهبة
- أبانوب فيلكس
- أبانوب
- بيطلع صوته من بطنه
- موهبة أبانوب
- موهبة
يضع يديه داخل العرائس اللعبة ليحولها إلى دُمى متحركة، تستطيع الكلام بشخصيتها الكرتونية المشهورة، مخرجا الصوت من بطنه دون تحريك فمه حتى لا يجعلها عرائس تشبه الشخصيات الحقيقية.. وبتلك الموهبة الفطرية خطف أبانوب فيلكس أنظار كل من يشاهده.
موهبة أبانوب فلكس جاءت بالصدفة
أبانوب مجدي الشهير بـ«أبانوب فلكس»، البالغ من العمر 30 عامًا، والقاطن في منطقة شبرا، اكتشف موهبته عن طريق الصدفة، وفقا لما رواه لـ«الوطن»، قائلا: «من حوالي 7 سنين، وأنا قاعد في شرم الشيخ بعمل عروض بريك دانس، فكنت حاسس أني عاوز أضيع وقتي في حاجة بدل القعدة لوحدي، فاتفرجت على برنامج أستراليا جوت تالنت، لقيت موهبة لواحد بيخلي ببغان يكلم لجنة التحكيم، ولما ترجمت الكلمة الإنجليزي اللي مكتوبة على الفيديو لقيت معناها فن التكلم الباطني، وقتها قعدت مسكت بطوط وقطعته بحيث أقدر ادخل إيدي، وبدأت اتكلم من بطني».
«بريك دانس، بيت بوكس، التكلم من البطن، الارتجال»، مواهب عديدة يتمتع بها الشاب الثلاثيني، إلا أن الأصعب هي التكلم من البطن، بحسب «أبانوب»، والذي قال: «المواهب التانية ممكن أي حد يتعلمها حتى لو مش عنده موهبة فطرية، لكن الكلام من البطن صعب لازم يكون الشخص عنده الموهبة دي فعلا».
أغرب ردود الفعل على فيديوهات «أبانوب»
تصرفات غريبة عديدة واجهها «أبانوب» في بداية إظهار موهبته: «يعني أول مرة واحد قالي أنت بتكدب عليا والعروسة دي فيها بطاريات هي اللي بتتكلم، وواحد تاني قالي الطاقية دي اللي لابسها هي اللي بتتكلم، فشيلتها واتكلمت بدونها علشان يصدق».
الكويت ولبنان والأردن ودبي والسعودية.. 5 دول اعتاد «أبانوب» السفر إليها لتقديم عروضه وإبهار العرب خارج مصر بموهبته، إلا أن أبرزها بالنسبة إليه احتفال بمطعم في دبي: «كنت بقدم عروض في كل دولة سواء أعياد ميلاد أو افتتاح برندات جديدة».
