موسم انتعاش سوق بيع الخيامية والفوانيس.. التجار ترفع شعار «أهلا رمضان»
موسم انتعاش سوق بيع الخيامية والفوانيس.. التجار ترفع شعار «أهلا رمضان»
أيام قليلة تفصلنا عن شهر رمضان المبارك، وتبدأ الشوارع تتزين وتستعد لاستقبال هذا الشهر المبارك، ومنها منطقتي الدرب الأحمر وشارع الأزهر، حيث يقوم التجار بعرض بضاعتهم من قماش الخيامية، والزينة، والفوانيس، بأسعار منخفضة وذلك لاستقطاب الزبائن وتنشيط حركة البيع وزيادة الربح.
داخل شارع الأزهر، يقوم أحمد المحمدي بائع الخيامية بعرض بضائعهم من الزينة وقماش الخيامية والفوانيس ويقول: «شهر رمضان ده بالنسبة لنا كتجار الموسم اللي بنستناه من السنة للسنة عشان نسترزق فيه»، وتبدأ أسعار المتر الواحد من الخيامية بـ 15 جنيها، وهناك متر قماش الخيامية يصل سعره إلى 50 جنيها: «دايما بحرص أن كل أنواع القماش يكون موجود بحسب الجودة بتاعته وده على حسب ميزانية كل زبون في زبون معاه وبيكلف وفي زبون ميقدرش بس عايز يفرح بأجواء رمضان».
أسعار الفوانيس تتوقف على الحجم ونوع الفانوس
ويقول أحمد، إن أسعار فوانيس رمضان الصاجة تبدأ من 50 جنيها، وفقا لحجم ونوع الفانوس، وهناك أنواع أخرى الفوانيس ذات الأشكال الحديثة وأسعارها تتراوح بين 100 و200 جنيه، ويوضح أن أسعار الفوانيس كبيرة الحجم تبدأ من تاريخ 300 جنيه.
وفي منطقة الدرب الأحمر، تنتشر أشكال مختلفة ومتعددة من قماش الخيامية، فتشعر وكأن شهر رمضان المبارك هلّ هلاله باكرا، ويقول مصطفى عبدالرازق بائع خيامية، إن شهر رمضان بالنسبة إليه بعد موسم يسترزق منه، لذا فهو يساعد له جيدا من خلال عرض أشكال متنوعة كثيرة من الخيامية والفوانيس ولكن بأسعار منخفضة، حتى يجذب الزبائن إليه: «اللي يهمني أن أكسب رزق خلال الفترة دي واستفاد منها عشان كده مش ببيع بسعر غالي عشان الزبون يجي لعندي ويشتري مني وأبقى كسبت زبون وفي نفس الوقت لعبت وكسبت فلوس».
متر قماش الخيامية يبدأ من 20 جنيها
«الرزق بيكون حلو قوي الفترات دي قبل رمضان والزباين بتشتري يإما فوانيس أو قماش الخيامية عشان يحتفلوا بأجواء رمضان وكل الأسعار عندي موجودة واللي بيعجبه حاجة بيشتريها»، بحسب «مصطفى»، فأسعار المتر الواحد من قماش الخيامية تبدأ من 20 جنيها، أما الفوانيس تبدأ من 35 جنيها، بحسب حجم الفوانيس.
