أيام السادات
أيام السادات
ماعيشتش ف عهدك
لكن من المؤكدات
إن مصر بعدك
خسرت يا سادات
عشت عمرك
مخلص لبلدك
ماحبتش ريس
حكمنا قدك
بتنطق ملامحك
مصرى أصيل
والكل يشهد لك
وطنى جميل
عبرت بينا
ودوست ع اليهود
ورجّعت سينا
ولطمتهم الخدود
رجّعت الكرامة
لكل مصر
واترفعت بعزة الهامة
والإيد بالنصر
ف الحرب والسلام
أستاذ كبير
شهد لك موشى ديان
وجولدا مائير
العالم كله كان بيهابك
وأى رئيس أياً كان
الكل كان بيعمل حسابك
وأولهم إسرائيل والأمريكان
الله يرحمك يا سادات
ماجاش زيك تانى
كان نفسى أعيش ولو لساعات
ف زمنك أو تعيش ف زمانى
