أحمد عز لـ«الوطن»: لازم يبقى عندنا أفلام زي «الممر» و«الخلية» كل سنة
أحمد عز لـ«الوطن»: لازم يبقى عندنا أفلام زي «الممر» و«الخلية» كل سنة
حالة كبيرة من النجاح يعيشها الفنان أحمد عز خلال هذه الفترة بعد طرح فيلمه الجديد «العارف.. عودة يونس» والذي تم طرحه في السينمات، خاصة أنَّه حقق رقما قياسيا، إذ حظى بإقبالٍ ضخم من الجمهور، منذ اليوم الأول لطرحه الأربعاء الماضي، رغم نسبة إشغال السينمات حاليًا، والتي تعمل بطاقة 70% فقط بسبب الظروف التي فرضتها جائحة فيروس كورونا على الصالات.
وحصد فيلم «العارف»، في الأسبوع الأول لعرضه، 12.3 مليون جنيه، منذ يوم الأربعاء الماضي وحتى مساء أمس الثلاثاء، فيما حقق في أول أيام العيد 3.2 مليون جنيه، متفوقًا على الأفلام المنافسة له وبفارقِ كبير.
أحمد عز: مش أي حاجة تطلع في التليفزيون.. لازم ننتبه للي بنقدمه للمجتمع
وقال «عز»، لـ«الوطن»، إنَّ الفن لابد أن ينتبه الى التطورات الجديدة التي يعيشها المجتمع وعليه أن يختار بوعي الموضوعات التي يقدمها للجمهور، متابعًا أنَّ الفيلم يتحدث عن حرب العقل، «دا اللي هيحصل الفترة الجاية، هو الغزو الثقافي».
وأكمل: «دا اللي لازم نتنبه ليه الفترة الجاية، لازم نبرز بطولتنا من أيام الفراعنة لحد وقتنا هذا، نطور الفكر الثقافي، مش أي حاجة تتقدم، مش أي حاجة تطلع في التليفزيون، مش أي حاجة تطلع على الشاشة».
واستكمل أحمد عز: «أنا واحد من الناس اللي بفكر إن إحنا لازم يبقي عندنا فيلم زى الممر كل سنة، لازم يبقي عندنا فيلم زي الخلية كل سنة، لازم نناقش البطولات دي، وما شابه، أنا مبتكلمش على أفلامي بس، الأفلام دي بتزرع في الناس وطنية وحب للوطن».
يذكر أنَّ فيلم العارف عودة يونس هو بطولة أحمد عز ومحمود حميدة وأحمد فهمي وكارمن بصيبص ومصطفي خاطر وأحمد الد صالح وركين سعد وعدد آخر من الفنانين وهو من تأليف محمد سيد بشير واخراج أحمد علاء الديب.
