وزير التعليم: «مفيش حاجة اسمها امتحان متوقع ولا حد يجيب 100%»
وزير التعليم: «مفيش حاجة اسمها امتحان متوقع ولا حد يجيب 100%»
قال الدكتور طارق شوقي، وزير التربية والتعليم والتعليم الفني، إن عدد الطلاب الذين سربوا الامتحانات على السوشيال ميديا اليوم من «البابل شيت»، اثنان فقط، من 349 ألف طالب، وتم القبض عليهما، وهذا يُعد رقما قليلا للغاية، ويُعني أن هناك سيطرة كبيرة جدًا، «الحمد لله، في نفس اليوم ده السنة اللي فاتت كان فيه 12 حالة صوروا من البوكليت ونشروا على الصفحات».
وأضاف «شوقي»، خلال مداخلة هاتفية في برنامج «حضرة المواطن»، الذي يُعرض على شاشة «الحدث اليوم»، مع الإعلامي سيد علي، أن الحديث المتكرر عن الامتحانات، وأن الاسئلة كثيرة والوقت صغير، يؤكد أن هناك جزء كبير لا يزال الكثيرون لا يستوعبونه، «الفكرة هنا اتغيرت عن زمان خالص، بقولهم ركزوا على الاسئلة مش على التابلت، ولا على البابل شيت ولا عن طريقة الامتحان».
وأشار وزير التربية والتعليم، إلى أن الوزارة تهدف لقياس فهم الطلاب للموضوعات التي يدرسونها، «مش يكون شاف حاجة بره وهنجيب له زيها، فكرة إن فيه امتحان متوقع لازم نغيرها، مش واجب الوزارة إنها تجبلك أسئلة اتعملت قبل كده، لأن الحياة فيها حاجات مشوفتهاش قبل كده، الامتحان يقيس لب القضية، وعاوزين ننسى ثقافة الـ100% لن تحدث».
وتابع: «الفكرة لا تعجيز ولا أي حاجة خالص، لو عندنا 60 سؤال، والطالب الأول جاب 50، فالنمرة النهائية هتبقى 50، مش بنقارن بالمطلق، بل هنقارن الطالب بأصدقائه، الأسئلة لو صعبة على الكل، فده يميز الطالب المجتهد بالأقل منه، المسألة نسبية بحتة، يعني لو طالب جاب 80% وده الأول، يبقى اللي جايب 77% يبقى طالب شاطر جدا».
