«وقت مش مناسب».. أغنية جديدة لـ أحمد جمال

05:12 م | الاثنين 14 يونيو 2021

طرحت شركة «مزيكا» للنجم أحمد جمال، أغنيته الجديدة «وقت مش مناسب»، وهى أغنية درامية عاطفية، يصرح فيها عن مشاعره تجاه حبيبته، وينهى علاقة ارتباط لم تكن مناسبة.

أغنية «وقت مش مناسب»، الأغنية السابعة من ألبومه الجديد، وهي من كلمات أمير طعيمة، وألحان عزيز الشافعي وتوزيع موسيقى أحمد عبدالسلام.

ومن كلمات أغنية «وقت مش مناسب»: «اعذرينى لو اتصلت فى وقت يمكن مش مناسب.. إوعى تفتكرينى يعنى ناوى أعاتب ولا أحاسب.. الحقيقه إنى بانهى حكاية بايخة وافضها كنت باتنازل كتير وياريتنى بعد ده كله عاجب».

وكان الفنان أحمد جمال، قد علق في تصريحات تليفزيونية سابقة، على قرار منع أغاني المهرجانات، قائلا: «مفيش حاجة اسمها تقدر تمنع أغاني المهرجانات، إحنا دلوقتي في عالم مفتوح، وبنتكلم دلوقتي عن فكرة المنع وبعد كده طرق المنع، لكن السؤال هنا هل أنا همنع علشان المهرجان مُضر مثلا أو بياخد الأجيال اللي جاية في حتة معينة؟، ولكن هل لما المهرجان يتمنع الأجيال مش هتلف وراه علشان تسمعه؟».

وأضاف أن «لكل مقام مقال، يعني هل مثلا أغاني المهرجانات بتنافس الأغاني بتاعتنا في الشكل والمضمون؟، أكيد هما ليهم منطقة واحنا لينا منطقة أخرى».

وتابع، «أتوقع لما شخص ييجي ينام وعاوز مزيكا حلوة علشان ينام وهو بيسمعها أكيد مش هيشغل مهرجان، إنما واحنا رايحين فرح بنحب نسمع مهرجانات في وسط الأغاني الكتير اللي شغالة من أغانيا أو أغاني أي حد غيري هنبقي عاوزين نسمع مهرجانات».

واستطرد، «كل شكل من الأغاني الموجودة له مكانه، يعني الأغاني اللي بتتغني في الفرح غير اللي بتتغني على مسرح الأوبرا، وأنا مش ضد الفكرة ولكن هو المهرجانات شكل من أشكال الغناء».