والد عريس «بقرة العزال» بالدقهلية: «مشروع للعرسان لعدم المغالاة»
والد عريس «بقرة العزال» بالدقهلية: «مشروع للعرسان لعدم المغالاة»
- بقرة العزال
- بقرة
- الدقهلية
- منقولات عروسة
- قائمة المنقولات
- تجهيز عرسان
- بقرة العزال
- بقرة
- الدقهلية
- منقولات عروسة
- قائمة المنقولات
- تجهيز عرسان
كشف «الحاج حمادة العدروسي»، والد العريس، صاحب واقعة «بقرة العزال» في محافظة الدقهلية، عن أن الهدف من شراء البقرة في «عفش» عروسة ابنه، جاء تماشياً مع مبادرات أطلقها بعض الأهالي لشراء الأساسيات للعروسين، وعدم المغالاة في المهر أو متطلبات الزواج.
وقال والد العريس صاحب واقعة «بقرة العزال» بالدقهلية، في تصريحات لـ«الوطن»، مساء اليوم الأربعاء: «احنا جبنا البقرة علشان ننتفع منها وبيها، والأساسيات بس اللي تيجي، تلاجة واحدة، و5 معالق، وفوطتين فقط، ونوفر الباقي لشراء شيء يجيب لينا منفعة، زي الجاموسة دي، كل يوم ربنا بيبعت لينا منها 6 كيلو لبن».
وأضاف والد العريس، في بث مباشر لـ«الوطن»، قبل قليل: «خفضنا الثلثين من احتياجات العروسين، من أجل شراء البقرة ليستفيد منها الجميع»، وتابع بقوله: «قللنا العفش علشان يبقى فيه حاجة، البنات مبتتجوزش، والشباب مش عارف يتجوز من الغلا، واحنا مش عارفين نعمل زي الصين، الشاب الصيني هو والعروسة بيبنوا بيت زوجية بـ25 ألف جنيه فقط».
وأوضح أن الفكرة من تواجد البقرة مع «عزال العروسة» أنها «مشروع كويس، الكل يستفيد منه، ومفيش إسراف ولا تبذير في مستلزمات الزواج»، وتابع أن «الناس افترت عليا وشتموني وقالولي اتقي الله يا ظالم، علشان البقرة اللي في العزال، فهمتوني غلط، الفكرة عندي إن البقرة مشروع يخدم الأسرة الجديدة»، مؤكداً أن «الرئيس عبد الفتاح السيسي اتكلم عن المغالاة في المهر ومتطلبات الزواج، وحاسس بينا وبالناس، ولازم نتقي الله في بيتنا وأهلنا».
ومن جانبها، قالت والدة العريس: «بالنسبة لي كتر الفرش مش حاجة مهمة، وأول مرة يحصل عندنا حاجة زي كده، ومحدش كان عامل حساب الموضوع ده، والبقرة كانت ماشية مع المطبخ في العزال، ومحدش كان يعرف رايحة فين ولا تبع مين»، وأضافت: «أنا كأم العريس، راضية بإن جهاز العروسة يكون قليل، وكنت مجوزة بنتي قبل ابني بشهرين، وقولتلهم هاتوا اللي تحتاجوه وفي المعقول، بس مجبتش بقرة يعني»، مطالبةً الجميع بالدعاء للعروسين، وأن يتفهم الجميع الهدف من تواجد البقرة.
