صورة لـ أشرف السعد تعرضه لهجوم: «بأكل أحلى فول».. ومغردون: فلوس الغلابة

12:46 م | الخميس 20 مايو 2021

يحرص أشرف السعد، رجل الأعمال العائد مؤخرا إلى مصر، على تأكيد سعادته بالعودة إلى تراب الوطن، من خلال نشر صوره من مناطق متفرقة بالمحافظات، ونشر اليوم صورة له من منطقة مصر الجديدة خلال تناول إفطاره على عربة فول وطعمية في الشارع، وعلق عليها: "الآن على الهواء مباشرة من أمام عربة فول عم أحمد في شارع صلاح الدين بمصر الجديدة، بأكل أحلى فول وبتنجان وطعمية ومش بالطماطم".

الصورة حظيت بتفاعل واسع من قبل رواد مواقع التواصل الاجتماعي، حيث علق أحدهم قائلا: "لو الناس رجعت حقوقهم يبقه بالهنا لكن لو العكس يبقه لازم تخاف ربنا بيسامح بس في حقه لكن حقوق الغير هما إلى لازم يسامحوا، ياريت نفهم الحقوق رجعت ولا ماتوا بجلطة عشان شقى عمرهم".

وعلق آخر: "ده أنا شفته نازل في انتركونتنتال أسبوع العيد بيعمل البزنس مع أصدقاءه، فول إيه إللى بيتكلم عليه.. الله المستعان"، وعلق ثالث: "فين الكمامة؟!".

وقال الكاتب محمد بهي الدين مرسي: "أشرف السعد نزل الشارع واتسكع في الحواري وقعد جنب عربية فول في الشارع ومتصور وهو بياكل صحن فول واربع طعميات. وتابع: "الله يرحم يا حاج لما كنت بتقعد على المقهي اللبناني في شارع ادجوار رود في لندن وتعزم اللى رايح واللى جاي وفاتحها تكية عزايم للعرب والخلايجة من فلوس الغلابة".

وأضاف: "حد يفهم الحاج أشرف أن السذج اللي ضحك عليهم وسابهم من 35 سنة مش هم اللي موجودين دلوقتي، والبساطة اللي بتحاول يشيعها عن نفسه مش بتخيل علينا، إحنا أتنورنا ومحدش يضحك علينا ولا يسرقنا إلا المستريح، استغفروا عقولكم وآتوا الذكاء".

ومن جانبه صرح أشرف السعد، عبر وسائل إلإعلام إنه لا توجد أي ملاحقات قضائية عليه بعدما حصل على براءة في كل القضايا المتهم بها، كما أنه يمتلك ألف فدان في الإسماعيلية وسيذهب للأجهزة لاستردادها، كما يمتلك مصانع ضخمة وودائع وأراضي ونقودا سائلة في البنوك.