أسرة ضحية «متحرش المعادي»: «كان نفسنا ياخد مؤبد والقاضي عمل اللي عليه»
أسرة ضحية «متحرش المعادي»: «كان نفسنا ياخد مؤبد والقاضي عمل اللي عليه»
- متحرش المعادي
- الطفلة يارا
- طفلة المعادي
- الحكم على متحرش المعادي
- محاكم
- محاكمة
- متحرش المعادي
- الطفلة يارا
- طفلة المعادي
- الحكم على متحرش المعادي
- محاكم
- محاكمة
علقت أسرة الطفلة «يارا» ضحية الواقعة المعروفة إعلاميًا باسم «متحرش المعادي»، على الحكم الصادر من محكمة جنايات القاهرة ضد المتهم محمد جودت، الذي قام بالتحرش بها، بالسجن المشدد لمدة 10 سنوات.
وقالت والدة الطفلة، إنها عرفت بالحكم الصادر ضد المتهم من خلال المحامي أحمد سلامة، محامي الطفلة، حيث أنهم لم يكونوا حاضرين للجلسة، معلقة على الحكم بقولها: «عرفت إنه أخد 10 سنين، وبصراحة أنا اتضايقت شوية لأن أنا كنت عايزه له حكم أكبر من كده، كان نفسي ياخد أقل حاجة مؤبد، بس في الآخر قولت هو كويس عليه الـ 10 سنين، لأني افتكرت ولاده ومراته، هم مش ذنبهم حاجة، والقاضي عمل اللي عليه».
وأضافت والدة الطفلة: «في تاني جلسة ليه كنا إحنا هناك، وقتها هو هدد بنتي وهدد جوزي وشاور لها بإيده إنه هيذبحها، يارا هي اللي قالت لي بعد ما نزلنا، وأنا كل اللي كنت عايزاه حق بنتي مش أكتر».
ويقول محمد بيومي، جد الطفلة، إنه ممتن لكل من وقف بجانبهم من أجل استعادة حق الطفلة «يارا»، معبرًا عن ذلك بقوله: «كل واحد وقف معانا في القضية ديه الله يبارك له، ورغم كل اللي المتهم عمله لكن أنا واحد من الناس زعلان عليه عشان أسرته وبيته وولاده، لأنه بهدل بيت كامل بفعل قذر عمله».
وأضاف «محمد»: «القضاة الله يباركلهم في صحتهم وإحنا خدنا حقنا، وحتى لو مخدناش حقنا في الدنيا هناخده عند ربنا».
وعن سبب تواجد الطفلة في مكان الواقعة، أوضح: «يارا كانت أول مرة تروح هناك، الواد الصغير هو اللي بيروح مع أبوه على طول، إنما هي مراحتش قبل كده، ووقتها مشيت من ورا أمها، وقلبنا الدنيا عليها لحد ما لقينا القسم بيتصل عليها».
ويوضح «محمد» إن الحالة النفسية للطفلة منذ واقعة التحرش بها سيئة بشكل كبير، وهم يحاولون الآن التخفيف عنها، معبرًا بقوله: «بنحاول ننسيها اللي هي فيه بأي وسيلة، لأنها فاهمة كل حاجة، وفاكرة الواقعة اللي حصلت»، قبل أن يختم حديثه، قائلا: «نفسنا حد يساعد أبو يارا ويعمله رخصة لمكان يقف يسترزق فيه وياكل عيش هو وعياله».
ومن جانبه يقول المحامي أحمد سلامة، محامي الطفلة، إنه كان قد تقدم بدفوع وأدلة توضح ترصّد المتهم للطفلة واستدراجها وهتك عرضها، مشيرًا إلى أن الحكم الصادر بحق المتهم هو نتاج لمجهود كبير بذله، وأنهم سيطالبون بتعويض للطفلة على ما تعرض له خاصة وأنها ما زالت تعاني من حالة نفسية سيئة.
وكان محكمة جنايات القاهرة، المنعقدة في التجمع الخامس، أصدرت حكما أمس، على المتهم محمد جودت، المعروف إعلاميًا باسم «متحرش المعادي» بالسجن المشدد لمدة 10 سنوات، على خلفية اتهامه بهتك عرض الطفلة «يارا».
