سوزان نجم الدين: ابتعدت عن السينما بسبب «أدوار الإغراء اللي بتتعرض عليا»
سوزان نجم الدين: ابتعدت عن السينما بسبب «أدوار الإغراء اللي بتتعرض عليا»
قالت الفنانة السورية سوزان نجم الدين، إنَّ سبب ابتعادها عن السينما يرجع للأدوار التي تعرض عليها ولا تناسبها، «كان بيجيني أدوار إغراء، كلها أدوار بتمس أكتر الشكل لا المضمون، وأنا لا بيئتي بتسمحلي ولا أسرتي ولا أخلاقي أعمل هذا الشيء، ومع كتر الاعتذارات بطل يجيلي عروض، وبعدها قبلت فورا فيلم (الطوفان) مع وحيد حامد ومحمود حميدة».
وأضافت «سوزان نجم الدين»، خلال لقاء ببرنامج «يوم ليك»، المذاع على شاشة قناة «الحياة»، وتقدمه الإعلامية سمر يسري، أنها في أحلى فترة عمرية في حياتها، «أنا مثل النبيذ والذهب كل ما بيعتق بيحلى»، مؤكّدة أنَّها أنها تقبل الأدوار جميعًا سواء تظهر سيدة أو جدة أو بنت أو حبيبة، خاصة أنَّها محافظة على شكلها للعب كل الأدوار.
وتابعت: «أنا لعبت دور أكبر من عمري من لما ابتديت تمثيل،، لأني بحب الشيء اللي بيقنعني أو المشهد ذو التركيبة المعقدة، أنا بعمل دلوقتي فيلم سينما دور بنت صغيرة حبيبة، وهيكون مقنع جدا للناس، أحنا ممثلين زي ما بنكبر بنصغر، والشطارة هنا، وممكن أمثل دور طالبة متخرجة من الجامعة».
وواصلت: «لما مثلت دور أم حمادة هلال مكنش منطقي مش عشان الفرق الحقيقي بيني وبينه، ولكن عشان شكلي مش مقنع، بس الدور لازم كدة، تكون أم جميلة ومش باين عليها وباين عليها حبيبته، تركيبة الدراما الموجودة بين حمادة في مسلسل (ابن أصول) هي كدة، الدور مش لايق بس في الدراما كدة».
