السيسي: «محدش يقدر ياخد نقطة مياه من مصر.. واللي عاوز يجرب يجرب»
السيسي: «محدش يقدر ياخد نقطة مياه من مصر.. واللي عاوز يجرب يجرب»
قال الرئيس عبدالفتاح السيسي، إن مصر تكسب كل يوم أرضا جديدة في سبيل قضيتها العادلة وحقوقها في مياه النيل، متابعا «موضوع المياه شاغلني وشاغلني كلكم، وموضوع التفاوض خيارنا اللي احنا بدأنا به، وعاوز أقولك، أن العمل العدائي قبيح وله تاثيرات كبيرة جدا تمتد لسنوات طويلة، لأن الشعوب لا تنسى ذلك، والمعركة بتاعتنا معركة تفاوض».
وأضاف «السيسي»، خلال مؤتمر صحفي عالمي على ضفاف قناة السويس، «كل يوم الرأي العام العالمي وكبار المسئولين في دول العالم ترى وبنكسب أرض إننا جادين نتفاوض يشكل الكسب للجميع، وكل اللي بنطلبه أمر لا يخرج عن القوانين الدولية المعمول بها في التعامل مع هذه الموضوعات وهي المياه العابرة للحدود».
الرئيس: مياه مصر خط أحمر.. ورد فعلنا في حال المساس بها أمر يؤثر على استقرار المنطقة كاملة
ولفت إلى أنه خلال الأسابيع القليلة المقبلة سيكون هناك تحرك إضافي في المفاوضات فيما يخص قضية السد الإثيوبي، «نتمنى الوصول لاتفاق قانوني ملزم بشأن ملئ سد وتشغيل السد، إحنا مش بنتكلم كتير بس بنقول للناس كلها محدش يقدر ياخد نقطة مياه من مصر، واللي عاوز يجرب يجرب، إحنا مش بنهدد حد، عمرنا ما هددنا، وحوارنا رشيد جدا، وصبور جدا، لكن محدش هياخذ نقطة مياه من مصر، وإلا هيكون فيه حالة من عدم الاستقرار في المنطقة، لا يتخيلها أحد، ومحدش يتصور انه يقدر يبقى بعيد عن قدرتنا، لأ، مش بهدد حد ومياه مصر لا مساس بها والمساس بها خط أحمر، وهيبقى رد فعلنا في حال المساس بها أمر يؤثر على استقرار المنطقة بالكامل».
