محافظ الجيزة عن منح شقة ومحل لسيدة التروسيكل: مش بنعمل حاجة نص نص
محافظ الجيزة عن منح شقة ومحل لسيدة التروسيكل: مش بنعمل حاجة نص نص
وجَّه اللواء أحمد راشد، محافظ الجيزة، الشكر والتقدير لأسرة برنامج «من مصر» بعد عرض حالة السيدة ناهد سعيد، سائقة التروسيكل، التي استجاب الرئيس عبد الفتاح السيسي لحالتها أمس، وقال «بشكر حضرتك جدًا على مجهودك وفريق العمل اللي معاك»، موضحًا أن الرئيس السيسي وجه أن تقوم المحافظة بعمل اللازم للسيدة ناهد.
تواصلت مع السيدة ناهد بعد انتهاء البرنامج أمس
وأضاف «راشد»، خلال مداخلة هاتفية في برنامج «من مصر»، مع الإعلامي عمرو خليل، على شاشة «CBC»، «لما الرئيس السيسي يوجه بحاجة بنعمل الحاجة من الآخر، مش بنعمل حاجة نص نص»، موضحًا أنه تواصل مع السيدة ناهد بعد انتهاء البرنامج مباشرة أمس، وتم التعرف على الظروف الخاصة بها، ورصدنا مطالبها، حيث كانت تريد كشك.
طلبت مني غرفة على السطوح وفرت لها شقة
وتابع محافظ الجيزة: «أنا مش بحب الكشك، بتحصل مشاكل كتير من الناس واللي شغالين في المحليات، قولتلهم شوفوا ليها محل، لحسن الحظ كان عندنا محل موجود وفي مكان مناسب، طلبت فورًا يخصص للسيدة ناهد، كمان لما عرفت أن الشقة اللي قاعدة فيها إيجار قانون جديد وظروفها صعبة، طلبت مني غرفة على السطوح».
طلبت مني كشك وفرت لها محل
وأوضح اللواء أحمد راشد، أنه رفض إعطاءها غرفة فوق السطوح، «قولتلها مفيش غرفة فوق السطوح، إحنا هنجهز شقة وندهالك مفروشة من مجاميعه، بس تصبر أسبوعين أو ثلاثة وتكون الشقة خلصانة خالص بإذن الله».
