سالي عبدالسلام تصاب للمرة الثانية في عينها وتوقف تصوير برنامجها
سالي عبدالسلام تصاب للمرة الثانية في عينها وتوقف تصوير برنامجها
- سالي عبدالسلام
- الاعلاميه سالي عبدالسلام
- اصابة سالي عبد السلام
- سالي عبدالسلام
- الاعلاميه سالي عبدالسلام
- اصابة سالي عبد السلام
أعلنت الإعلامية سالي عبدالسلام عبر حسابها بفيس بوك، إصابتها للمرة الثانية في عينها اليسرى، وقررت توقف تصوير برنامجها «قصة حقيقية»، لحين تعافيها.
وكتبت سالي: «مش عارفة فى أيه.. عينى دى مالها سبحان الله! مبلحقش أخف وأرجع أصور، يحصل حاجة بعدها بمفيش.. الحمدلله على الابتلاء.. حساسية شديدة وحرقان واحمرار وinfection ميروحش الوجع غير بمسكنات وقطرة ومراهم.. الحمد لله كثيرا سبحانك يا رب».
وأضافت: «أول مرة يقف ليا تصوير كدة، ويحصل كدة.. الحمدلله فى الضراء والسراء، الحمدلله كنا مصورين شوية ومبعملش حاجة فى حياتى غير شغلى بس، مش عارفة هرجع امتى يا ربى.. الحمدلله رضا»
وكانت سالي أعلنت في فبراير الماضي، توقف التصوير ايضا بسبب إصابتها بـ3 دمامل في عينها، وكتبت عبر فيس بوك: «زي ما اتفقنا هنزل الحلو والوحش وقرار في حياتي خلاص عشان مش هاخد السوشيال ميديا في الحلو بس.. لأول مرة في حياتي أوقف تصوير بسبب 3 دمامل في عيني، مش عارفة افتح عيني منهم بعد ما جيت وقاوحت وقلت هصور ونجرب، مقدرتش أكمل».
وأضافت: «سبحانه.. الحمدلله في كل ضراء وسراء يا الله.. الحمد لله.. رضا.. معرفش هتخف في قد إيه.. هتحتاج أي تدخل غير العلاج ولا لا.. هنرجع في قد إيه.. معرفش بس الحمدلله.. ادعولي.. أنا بدعي لأي حد يأمني ادعيله»
سالي تقدم برنامج «قصة حقيقية» على شاشة القناه الأولى، وتناقش من خلاله مجموعة من المشاكل الاجتماعية التي يرسلها الجمهور علي صفحة البرنامج، ويقوم بحل هذه المشاكل مجموعة من المتخصصين في مشاكل الأسرة.
