بريد الوطن.. بلاش
بريد الوطن.. بلاش
بلاش نتكلم الليلة
بلاش كالعادة نتعرى من الأوجاع
وخلى دموعنا جوانا
تبات لو مرة مستورة
تعبت إنى أبان دايماً.. قصاد الجرح مكسورة
تعبت أدارى ف الضحكة
وانا باسأل شايفنى إزاى؟!
وعارفة إن انت هتغنى
لكن حابة أكون الناى
وحابة ساعات أكون الصوت ولو مبحوح
وحابة أكون نفس عالى
يغازل طيرك المدبوح
وحابة أكشفلك الأوراق
وأفنطلك كمان الروح
فتغلب دور.. وراه الدور
باحب الغش ف اللعبة
واحب إنى اتغلبلك زور
عشان حباك
وبفرح لو تكون دايماً بإيدى الحى والمقتول
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
