والدة الشهيد وائل كمال: كان محدد هدفه من ابتدائي «الكلية الحربية»
والدة الشهيد وائل كمال: كان محدد هدفه من ابتدائي «الكلية الحربية»
- وائل كمال
- الشهيد وائل كمال
- الشهيد
- الكلية الحربية
- الإعلامية آية جمال الدين
- يوم الشهيد
- الاحتفال بيوم الشهيد
- وائل كمال
- الشهيد وائل كمال
- الشهيد
- الكلية الحربية
- الإعلامية آية جمال الدين
- يوم الشهيد
- الاحتفال بيوم الشهيد
قالت صباح يوسف، والدة الشهيد البطل وائل كمال، إن «ابني الشهيد وائل وهو صغير عنده 4 سنين كان بيتصرف غير إخواته تماما، مع أنه كان أصغر أخواته، ولما دخل المدرسة كان المدرسين مش مصدقين أن وائل أخوهم لأن شخصيته مختلفة تماما عنهم، تحس أنه هو مقدام، وكان مهتم باللياقة البدنية بتاعته بشكل كبير، ومن أول ما خلص المرحلة الابتدائية وهو حدد مصيره أنه هيخلص ثانوية عامة ويدخل حربية».
هدفه: الكلية الحربية
وأضافت «يوسف» خلال حوارها مع الإعلامية آية جمال الدين، على فضائية Dmc، «كان بيعتمد على نفسه بشكل كبير للغاية، احنا ربينا فيه الحتة دي بشكل كبير، لكن برجع وأقول إن ربنا عاوز كده وكان بيأهله للشهادة، وبعدين سواء لينا يد في التربية أو لا في الأول والآخر ده شيء بتاع ربنا سبحانه وتعالى».
وتابعت: «ابني لما راح قدم للكلية الحربية اعتمد على نفسه تماما، مع أنهم رجعوه علشان يحلق دقنه، لما شخص من اللي واقف علشان يشوف دقنهم وعمله بالكارت على دقنه وقاله أنه عاوز يحلق، اتصرف وراح على كشك وجاب علبة حلاقة وقعد حلق في الشارع عند الكلية الحربية ورجعلهم تاني ووقف في الطابور وكان من أوائل اللي قدموا، وكان واخد الحكاية جد جدا».
العشرة الأوائل على لكلية
وأردفت والدة الشهيد وائل كمال، «ابني كان متفوق وطلع من ضمن العشرة الأوائل في الكلية يوم التخرج، وكان محدد مصيره وهدفه أنه عاوز يدخل سلاح المشاة الصاعقة، ولأنه كان مهتم جدا بلياقته ده اللي جعله مؤهل للاختبارات وحقق حلمه».
