«تطوير العشوائيات» لـ سكان كورنيش ماسبيرو: مش هناخد قرار إلا بحوار معكم
«تطوير العشوائيات» لـ سكان كورنيش ماسبيرو: مش هناخد قرار إلا بحوار معكم
قال المهندس خالد صديق، المدير التنفيذي لصندوق تطوير المناطق العشوائية، إن أي مشروع للصندوق يصاحبه حوار مجتمعي مع أهالي المنطقة المستهدف تطويرها، «مش هننجح أبدا من غير ما نعرف رغبات الناس»، ضاربا المثل بنجاح تطوير مثلث ماسبيرو، حيث وضعوا 5 رغبات لهم، مؤكدا أن المواطن طرف أصيل في هذه المعادلة.
وأضاف «صديق»، خلال لقاء ببرنامج «من مصر»، المذاع على شاشة قناة «CBC»، وتقدمه الإعلامية ريهام إبراهيم، أن الحوار المجتمعي المقبل سيكون بشأن العمارات المطلة على «كورنيش ماسبيرو»، متابعا: «الأسرة المستأجرة في العمارات دي، وعايشين في شقة قيمتها مثلا 5 مليون جنيه، هيعيشوا في الأبراج اللي بتتبني حاليا أمام النيل في المثلث وتطل بردو على النيل، وده اللي هتعيش فيه وهيكون نفس القيمة الاستثمارية للشقة القديمة».
وأوضح «العمارات القديمة عمرها 60 سنة يعني بنتكلم على الأقل ساكن فيها الجيل التاني، وبما أنه جيل تاني يبقى نهاية الإيجار، بعد كده تؤول الملكية لصاحب العقار الأصلي والجيل التالت ملهوش حق طبقا للقانون أنه يكمل الإيجار، فهما لو عاوزين إيجار هنبدأ من جديد، ونمضي معاه عقد إيجار من جديد».
وتابع: «أحنا لسه مخدناش أي قرار، وهيحصل حوار مجتمعي مع السكان، وهيتفاجئوا أنهم هيكونوا مبسوطين بيه».
