شاب يعثر على مبلغ ضخم ويبحث عن صاحبه: «فيه نصابين كتير كلموني»
شاب يعثر على مبلغ ضخم ويبحث عن صاحبه: «فيه نصابين كتير كلموني»
«ربنا يغنينا بحلاله»، شعار رفعه كامل عبدالنعيم، في حملته للبحث عن صاحب مبلغ ضخم من المال عثر عليه في أحد شوارع المرج، من أجل توصيله إليه، دون النظر لأي مكافأة مالية أو حتى التفكير لوهلة واحدة بالحصول على المبلغ دون إخبار أحد به.
وروى الشاب الأمين، كامل عبدالنعيم، صاحب الـ28 عامًا، لـ«الوطن»، أنه عثر على الأموال في شارع بمنطقة كفر الشرفا بالمرج التابعة لمحافظة القاهرة: «كان فيه كيس أسود، بالصدفة بشوطه برجلي، حسيت إن فيه حاجة غريبة، بفتحها لقيت فلوس وحاجات تانية».
«كامل»: نصابين كتير كلموني عاوزين ياخدوا الفلوس
رغبة «كامل» في إعادة الأموال إلى صاحبها، دفعته لتصوير المبلغ المالي فقط، ووضع الصورة على صفحته الشخصية بموقع التواصل الاجتماعي «فيسبوك»، وجروب المنطقة: «ناس كتير شاركت المنشور اللي حاطط فيه رقمي، وفيه نصابين كتير كلموني علشان ياخدوا الفلوس بس بكتشف كذبهم، لأنهم بيقولوا أرقام غلط على المبلغ وبيتكلموا على الفلوس بس ميعرفوش الحاجات التانية اللي موجودة في الكيس».
«اللي هيجي ويقولي على كل تفاصيل الحاجة هديهاله»، بحسب «كامل»: «المبلغ كبير لكن مقدرش أقوله، علشان المفروض أن صاحب الحاجة هو اللي عارفها، ودي إمارة ضمن الحاجات اللي محددها علشان اتأكد إن اللي جايلي ده صاحب الفلوس الحقيقي مش نصاب».
«كامل»: اتربيت على الأمانة وعنينا شبعانة
واستطرد «كامل» حديثه: «متربي على الأمانة وعنينا دايما شبعانة، ومستحيل أقبل على نفسي فلوس مش بتاعتي علشان كده بدور على صاحبها لغاية ما ألاقيه».
اقرأ أيضًا.. «هشام» عامل أعاد 100 ألف جنيه لصاحبها: «ديون كورونا مغيرتش تربيتي»
وضجت صفحات السوشيال ميديا بالإشادة والشكر للشاب على أمانته البالغة، ورغبته الكبيرة في إعادة الأموال التي وجدها إلى صاحبها، وعدم الطمع فيها؛ حيث أثنوا على تربية أسرته الصحيحة من طفولته.
