رئيس نادي سموحة: «الفار» في مصر مضروب.. وبيشتغل بحسب اسم الفريق
رئيس نادي سموحة: «الفار» في مصر مضروب.. وبيشتغل بحسب اسم الفريق
علق المهندس فرج عامر، رئيس نادي سموحة، على تطبيق الـ«var» في الدوري الممتاز، قائلا: «الفار أمره غريب جدا، بيدار في مصر على الكيف والمزاج، مرة يقولوا مشتغلش في الشوط الأول، قسما بالله ده حصل في ماتشات، ومرة يقولوا اشتريناه من غير خط المرمى، وده حسب اسم الفريق اللي بيلعب، الفار عندنا مضروب».
وأضاف «عامر»، خلال اتصال هاتفي ببرنامج «الحكاية»، المذاع على شاشة قناة «MBC مصر»، ويقدمه الإعلامي عمرو أديب، «لاعب في فرقة لها قوة مادية، دخل الكورة المرمى، وحارس المرمى ماسك الكورة بإيديه جوا المرمى والناس كلها شافتها، والحكم رفض اللجوء للفار والفار قاله العب عادي، والأسبوع اللي وراه لاعب من إنبي دخل كورة صاعبة جدا والكورة تجاوزت فعلا خط المرمى راح الفار متعدش وقالوا اشترينا الجهاز من غير خط المرمى».
وتابع: «الفار ساعات بيحسب بينالتي بعد ما الماتش ما بيخلص، كنا بنلاعب المصري، والماتش خلص واللاعيبة راحوا غرف الملابس، لقوا الحكم بينادي عليهم، بس طالما اللاعيبة دخلوا غرف خلع الملابس لا يجوز استدعائهم، حصلت في الدوري الإنجليزي بس اللاعيبة مرحوش غرفة الملابس لسة، حتى لو بين الشوطين، مش من حق الحكم استدعائهم».
وواصل: «اتحاد الكرة راح مكرم اللي شافوا الفار بعد ما المباراة خلصت وبعد ما اللاعيبة قلعت هدومهم».
