«أحمد» يستقبل عامه الـ30 بتورتة فسيخ ورنجة: الحياة بتختلف بعد التلاتين
«أحمد» يستقبل عامه الـ30 بتورتة فسيخ ورنجة: الحياة بتختلف بعد التلاتين
- فسيخ ورنجة
- تورتة فسيخ ورنجة
- عيد ميلاد
- عيد ميلاد الـ 30
- سن الـ30
- فسيخ ورنجة
- تورتة فسيخ ورنجة
- عيد ميلاد
- عيد ميلاد الـ 30
- سن الـ30
الإبداعات في صناعة «تورتة» عيد الميلاد لا تنتهي، ويختار الكثيرون شراء الشكل واللون المفضل له للاحتفال وسط المقربين منه وإطفاء الشمع، ولكن الغريب في الأمر احتفال أصدقاء «أحمد خليل» بعيد ميلاده بطريقة خارجة عن المألوف بـ «الفسيخ والرنجة».
حبهم الشديد في الفسيخ والرنجة جعل أصدقاء أحمد اختيار يوم تجمعهم لتناوله يوافق عيد ميلاد صديقهم للاحتفال به على طريقتهم وخاصة أنه سيبدأ عامه الـ 30: «ظبطوها على يوم عيد ميلادي فطبعا متفقين هناكل فسيخ واتفاجأت بالشمع في الفسيخ والرنجة وحوليهم البصل والعيش والخس»، وفقا لقوله لـ «الوطن».
«إحنا اصلا أنا وزمايلي عاملين زي عيلة كل واحد بيجيب مراته وعياله وبنتجمع كل ما بنقدر كل ما ظروفنا بتسمح بنعمل أكل وتجمع عائلي».. وصف أحمد عن علاقته القوية بأصدقائه الذين قرروا الاحتفال به بشكل مختلف وطريف لجعله سعيد: «وإحنا بنحب الفسيخ والرنجة جدا وأنا كنت جايبها في البيت وقولت لازم نعملها فهما اختاروا يفاجئوني ويحطوا شمع فيها وجابولي هدايا».
وعن اختيار الفسيخ والرنجة للاحتفال بعيد ميلاده الـ 30 شرح أحمد السبب: «الناس كلها بتقول أن الحياة بتختلف بعد سن التلاتين بس هما قالوا يعملوا حاجة جديدة ومختلفة عشان أفضل فاكرها، وكبداية للعمر ده بس أنا مكونتش أعرف أن الـ 30 هتختلف بالفسيخ».
ونشر «أحمد» الذي يعمل محامي صور الاحتفالات بعيد الميلاد على أحد الجروبات الشهيرة بموقع «فيسبوك»، لمشاركة المتابعين إطفاء شمع عيد الميلاد بالفسيخ والرنجة بدلا من التورتة: «اتفاجئت برد فعل الناس وإقبال مش طبيعي بالآلاف على البوست وتعليقات رهيبة نص الشعب بيطالب تورتة الفسيخ ده غير الناس بتحسدني على أصحابي عشان الاختلاف».
«من أكبر نعم ربنا عليك وجود ناس بتحبك بجد ناس حقيقية في مشاعرها وإحساسها تجاهك وأنا بحمد ربنا جدا لأن من أكتر من سنتين وأنا مفيش في حياتي غير الناس الحلوة وبس».. هكذا عبر أحمد سعادته بعلاقته بأصدقائه.
