السيسي عن إلقاء الصرف في «المنزلة»: سنحوله لمياه معالجة في سيناء
السيسي عن إلقاء الصرف في «المنزلة»: سنحوله لمياه معالجة في سيناء
قال الرئيس عبدالفتاح السيسي، إنَّ هناك مياه كثيرة يتمّ إلقاؤها في البحار أو البحيرات مثل بحيرة المنزلة، مضيفًا «المياه دي كانت فيها صرف صحي وزارعي وصناعي، ده كان ليه تأثير سلبي جدًا على بحيرة المنزلة»، موضحًا أنَّه كانت هناك فكرة لمعالجة الصرف بدلًا من إلقائه في البحيرات، «قولنا هنعمل إيه بالمياه دي، هل هنعالجها ونرميها في البحيرات أم في البحار، قولنا لا، هنعمل جزء منها تبقى مياه متوفرة في سيناء».
الرئيس: إنهاء البينة الأساسية لـ100 ألف فدان قبل 30 يونيو المقبل
وأضاف السيسي، خلال افتتاح مشروع «الفيروز» للاستزراع السمكي: «إحنا بنتكلم حاليًا على 100 ألف فدان، محتاجين نعمل لهم بنية أساسية عشان الري، ونستفيد من المياه اللي كانت بتترمي في البحيرات ده، والكلام ده يخلص في 30 يونيو المقبل، تعملوا بقى الترع الأساسية لهم، ومحطات رفع، وتسوية، كل الأراضي ده هتتعمل ري حديث».
وتابع رئيس الجمهورية: «المفروض يبقى 30 يونيو نكون خلصناهم، ده جهد مش سهل، إحنا عاوزين نعمل كل الإجراءات بما فيهم محطات الرفع المطلوبة، والترع اللي هتتمد عشان تغطي شبكة الري اللي أنت عاوزها، أو شبكة الكهرباء اللي هتدخل الأراضي دي».
