ملابس الكريسماس للحيوانات الأليفة بـ150 جنيها: بابا نويل ولكاليك تريكو

01:23 م | الثلاثاء 15 ديسمبر 2020

مع اقتراب احتفالات عيد الميلاد المجيد، تتسارع وتيرة خطوات الكثيرين من أجل شراء مستلزمات الاحتفال سواء فى الأطعمة أو الملابس أو الزينة، إلى جانب بدء التخطيط لكيفية قضاء العيد، الذى يعد ثانى أهم الأعياد المسيحية بعد عيد القيامة.

لكن على جانب آخر، يكون تفكير مالكو الحيوانات الأليفة فى البحث عن ملابس احتفالية لحيواناتهم مناسبة للاحتفال الذى يوافق يوم 25 ديسمبر، حسب مسحيي الغرب، و7 يناير حسب مسحيي الشرق ومنهم مصر.

نادرة فى مصر

يقول عماد مصطفى صاحب محل لبيع مستلزمات الحيوانات الأليفة، إن هناك ملابس مخصصة للحيوانات بالفعل صيفا وشتاء، لكن الملابس التى تكون على شكل بابا نويل وغيرها من احتفالات "الكريسماس"، نادرة فى مصر، مقارنة بالدول الغربية: "فى مصر مفيش اهتمام بالحاجات دى أوى، ومعظم الحاجات اللى على شكل بابا نويل وغيره، بتطلب تصدير، وفى حاجات ساعات بتكون عندى، بس بتخلص بسرعة".

تتراوح أسعار ملابس الحيوانات الأليفة الخاصة بالكريسماس بين 50 جنيها إلى 150 جنيها، حسب "عماد"، والمواقع الإلكترونية المتخصصة فى البيع الإلكترونى: "أنا عندى ملابس للكلاب فقط، وهى عبارة عن بدلة بكابتشو صغير، لكن القطط للأسف معنديش ليها لبس".

يصل سعرها إلى 150 جنيه

يؤكد كريم كمال صاحب محل لبيع مستلزمات وأطعمة الحيوانات فى الهرم، أن كل المنتجات الخاصة بملابس الكريسماس للحيوانات، تم بيعها بسبب شدة الإقبال على شراءها: "إحنا بنعمل ملابس هاند ميد، للحيوانات وخصوصا الكلاب والقطط، وبحسب اختيار الزبون، يعنى ممكن زبون يختار شخصية بابا نويل، ممكن زبون تانى يختار شخصية تانية، والأسعار بتتراوح بين 120 إلى 150 جنيه، ومش بس بنركز على صنع ملابس، لكن بنصنع لكاليك، وشرابات وجوانتيهات من التريكو".

تشير هبة سليم، إلى أنها تمتلك قطا، وبالصدفة شاهدت صورا للحيوانات وهم بملابس مناسبة لأجواء الكريسماس عبر مواقع التواصل الاجتماعى، ما دفعها إلى التفكير فى طلبها "أونلاين": "هى سعرها مش غالى، وشكلها لطيف، وهتدى إحساس حلو بالاحتفال بعيد الميلاد، وفى نفس الوقت هدخل الفرحة على قلوب الحيوانات اللى الواحد عايش معاها، لأنها بتحس وبتدرك أى تغيير، وبتتأثر بالجو العام اللى عايشة فيه، وأنا عن نفسى بحب الحاجات الجديدة والتقاليع، خصوصا لأنى بحب القط بتاعى جدا، وبقدر وجوده فى حياتى".