نشوى مصطفى تشيد بأنعام سالوسة: مدرسة في الأداء
نشوى مصطفى تشيد بأنعام سالوسة: مدرسة في الأداء
أشادت الفنانة نشوى مصطفى بالأداء التمثيلي للفنانة الكبيرة إنعام سالوسة عبر حسابها على فيسبوك.
وكتبت نشوى: "فى عشق الكبار الأستاذة المحترمة العظيمة الفنانة إنعام سالوسة ممثلة مالهاش شبه - مدرسة فى فن الأداء - ربنا ما يحرمنا من الأساتذة المحترمين اللي بنتعلم منهم كيف يكون الفنان اللي نفتخر بأنهم فى مجال احنا بننتمى إليه".
وكانت نشوى مصطفى وجهت رسالة إلى الشعب المصري بعد شفائها من فيروس كورونا المستجد.
وقالت الفنانة في مداخلة هاتفية لبرنامج "كلمة أخيرة" الذي تقدمه على قناة "ON": "أبوس إيديكم لو بتحبوا ربنا وبتحبوا ولادكم اتقوا شر الألم اللي أنا حسيت بيه، حافظوا على نفسكم علشان ولادكم وأكل عيشكم كلنا على باب الله".
وأضافت مصطفى: "كلنا على باب الله وماشيين بالأرزاق عشان أكل عيش ولادكم مش هينفع لو إنت عامل أو صنايعي ترقد، حافظ على نفسك أرجوك بالكمامة، كمامة تمنها 3 جنيه هتحافظ عليكم وهتخليك لبيتك وأولادك".
وتابعت: "أنا كان معايا فلوس بس مافيش مستشفى كانت عاوزة تقبلني من المستشفيات الخاصة لكن مستشفى بلدي العامة الحكومية قبلتني أنا عندي فلوس وربنا ساترني بس مكنتش بقدر أحط في بقي لقمة، الفلوس مش مهمة لما تبقى معاكي ومفيش مستشفى راضية تقبلك أو قادرة تاكلي حتى، الصحة يا جماعة أهم من أي حاجة في الدنيا، والنبي ماتستهونوا، كورونا دي صعبة جدًا أصعب من ألم الولادة".
وقالت: "أنا أهملت واتكسفت من لبس الكمامة وماتسلموش على حد بإيديكم وحافظوا على التهوية والتباعد والتغذية، كلوا برتقانة وحزمة جرجير أو جوافة وحتة جبنة قريش دي نصايح الدكتور حافظوا عليها عندنا الحاجات دي رخيصة، احموا نفسكم مع الكمامة".
