"فاروق ودنيا" شريكان في الزواج وتنقية الفاكهة: مشروع عمرنا (صور)
"فاروق ودنيا" شريكان في الزواج وتنقية الفاكهة: مشروع عمرنا (صور)
- الفواكه والخضروات
- مشروع جديد
- الحب
- مجال الفاكهة
- الخضروات
- الفواكه والخضروات
- مشروع جديد
- الحب
- مجال الفاكهة
- الخضروات
"الفكهاني هايبر" مشروع فاروق مدحت، ودنيا محمود، بعد سنوات من البحث عن عمل في تخصصهما، وفي أقل من 4 أشهر استطاع الثنائي النجاح وتحقيق رد فعل وإقبال كبير من سكان الإسكندرية، ليستكملا سويا مشوار عملهما مع قصة حبهما التي شهدت صعوبات كثيرة، لكنها انتهت بفرحة كبيرة.
"اتخرجنا ولسه مفيش شغل والدنيا مش واضحة، فجاتلي فكرة تنقية الفواكه والخضروات وتوصيلها"، هكذا بدأت دنيا محمود صاحبة فكرة المشروع حديثها لـ"الوطن"، موضحة أنه عبارة عن اختيار الفواكه والخضروات الطازجة والعمل على توصيلها بنفس سعر السوق وبجودة عالية: "كأن الواحد بينقي لنفسه".
وسرعان ما وافق على الفكرة زوجها الذي بدأ بتطويرها معها، وساعدهما على ذلك مهنة والد فاروق، إذ أنه كان لديه محل فاكهة وخضروات، لكن بسبب انتشار فيروس كورونا المستجد خلال الفترة الماضية، تم إغلاقه: "أنا قررت نجدده للبيت، بدل ما الناس تاخد، إحنا نوصله لحد البيت، وبنتعامل مع واحد معين، وواثقين فيه وبنقي الحاجة ونوصلها".
يشتري الثنائي اللذان تزوجا قبل عام و4 أشهر، ولديهما طفلة اسمها "فيروز"، الخضروات والفاكهة من التاجر بسعر أقل من السوق ثم يعملان على بيعه بنفس سعر السوق: "ده مكسبنا والتوصيل بيبقى حاجة بسيطة من 5 لـ10 جنيهات، حسب المكان، عشان نخلي الناس تطلب ومتقولش أشتري أنا أوفر" - بحسب دنيا.
وبسبب الإقبال الكبير على مشروعهما، إذ تجاوز عدد المتابعين لديهما على جروب "فيسبوك" نحو 10 آلاف شخص في أقل من 4 أشهر، قررالثنائي خريجا كلية التجارة توظيف أشخاص آخرين لمساعدتهما في توصيل الطلبات: "معانا اتنين بيوصلوا، وواحد بينقي وواحد تاني بينضف خضار، وواحد بياخد الأوردارات بليل ويبعتها للزبون، وإحنا في الضغط بنساعدهم".
"في الأول مكنش ده الشغل الأساسي، كنا بندور على شغل، دلوقتي بقيت الأساسية ومش ملاحقين على الشغل الحمد لله"، بحسب وصف دنيا البالغة من العمر 26 عامًا، التي تزوجت من فاروق 28 عامًا بعد معاناة: "كنا نعرف بعض وحبينا بعض وكتبنا كتبنا واطلقنا، ورجع صالحني وعملي يافطة بحبك تتجوزيني.. أنا أسف، في الشارع، وأهلنا مكانوش موافقين، وبعدين وافقوا ودلوقتي بيحبونا عشان شايفنا سند لبعض".
بجانب الفواكه والخضروات، قرر الثنائي تقديم خدمة المشويات من اللحوم والدواجن والمحاشي والحلويات بسعر مناسب: "بنحاول يكون عندنا مطعم وهايبر كبير، وبإذن الله هنفتح محل في خلال كام شهر، ويتطور ويبقي مطعم وهايبر فيه كل الاحتياجات، وبيخاطب كل الفئات اللي عايز خضار أو أكل فريش".
