فيديو رقص لـ"محمد" يكشف سبب فشله في الجيم: هي ليه العضلة مكبرتش؟

فيديو طريف داخل صالة رياضة، نشره صاحبه على حسابه الشخصي بموقع التواصل الاجتماعي "فيسبوك" بعدما تداوله أصدقاؤه وأفراد أسرته، ولم يتوقع أنه سيحصل على عدد كبير من المشاهدات والمشاركة والتعليقات.

نشر محمد سيد الكيلاني مقطع فيديو له على حسابه الشخصي بـ "فيسبوك" داخل صالة الرياضة أو "الجيم" كما يطلق عليها، معلقا عليه "لما تروح تشتكي للكابتن أنا ليه جسمي مبيتغيرش، والكابتن لما يفرغلك الكاميرات".

ويظهر الكيلاني في الفيديو وهو يمارس تدريبات رياضية بطريقة كوميدية غير محترفة، حيث إنه يرقص أثناء حمله لثقالات حديد وفي خلفية الفيديو نغمات أغنية "بالبنط العريض" ومهرجان "أخواتي".

قد يعتقد البعض أن الفيديو غير حقيقي إلا أن الكيلاني البالغ من العمر 22 عامًا، أكد لـ "الوطن"، أن الفيديو بالفعل خاص به وجرى تصويره داخل صالة الرياضة: "أنا عامة جسمي رفيع كده من زمان جدا فكل ما أروح جيم قعد فيه شهر ونص شهرين أو 3 شهور وأزهق، وملاقيش فيه جديد أمشي".

واستكمل الكيلاني حديثه: "الجيم الجديد ده روحت لي أول يوم ودفعت الاشتراك وأنا مروح هرجت مع الكابتن قولت له لو سمحت، أنا عايز أسحب الاشتراك بتاعي قولتلوا أنا بقالي عندكم من الصبح ومطلعليش عضلات فهزر معايا وروحت".

 وبعد مرور نحو شهر ونصف الشهر على انتظام الشاب العشريني في صالة الرياضة، تفاجأ بالمدرب يرسل له مقطع فيديو على تطبيق "واتساب"، قائلا له: "أنت كنت بتقولي مش بيطلعلي عضلات.. طيب أتفضل شوف نفسك".

بعدها قرر الكيلاني نشر الفيديو عبر حسابه الشخصي بعد تردد حتى لا يسخر منه البعض: "قولت أنشره وأكتب اللي حصل ومجرد فيديو مين هيشوفوا غير أصحابي وأهلي اتفاجئت أنه خرج عن الإطار ده، واكتشفت أن في كتير زي".

وجاءت التعليقات من مستخدمي فيسبوك بـ "إحنا أهو"، و"ضحكت لما بطني وجعتني"، "أوعي تكوني بتعملي كدا ومفهماني إنك بتفرغي طاقتك"، و"أنا عرفت إحنا مكناش بنتغير ليه"، و"بيحرك العضلات بس بشكل مختلف"، "اللي يقولك العضلة ما كبرتشي هاتله سيدهاته"، و"الرجل الفرفوش رزق".

وعن رد فعل الناس، قال الكيلاني إنه سعيد لأنه رسم البهجة على وجوه الكثيرين: "الناس مبسوطة والحمد لله عملت نوع من البهجة، ومعظمهم مروا بنفس الحاجة أنا بحاول أعمل عضلات ومش بستمر لأني بزهق ومش بلاقي نتيجة والموضوع يمكن عايز صبر بس أنا مليت".

والكيلاني هو خريج كلية تربية لغة عربية ويكتب الشعر منذ 8 أعوام ويسعى للالتحاق بكلية آداب مسرح لشغفه بالتمثيل الذي يؤديه في المسرح منذ عامين كهاوي، قائلا: "نفسي أمثل جدا وأنا أصلا بقالي 5 سنين مدرس عربي لثانوي وكليات بس لسه متعينتش عشان خريج السنة دي".

• فيديو طريف
• فيديو كوميدي
• الجيم
• الصالة الرياضية
• صالة الجيم
• فيديو طريف في الجيم
• فيديو طريف
• فيديو كوميدي
• الجيم
• الصالة الرياضية
• صالة الجيم
• فيديو طريف في الجيم