شبشب بـ220 جنيها يثير الجدل على السوشيال.. ومتابعون: "ده علم المثليين"

06:33 م | الاثنين 12 أكتوبر 2020

حالة من الجدل أثارها بوست دعائي لأحد محلات الأحذية، عبر السوشيال ميديا، بعد عرض سليبر عالي (شبشب)، بسعر 220 جنيها بدلًا من 300 جنيه، إلى جانب وجود ألوان تشبه علم المثليين، قبل أن يوضح أحد المسئولين عن المحل حقيقة الأمر.

"سليبر عالي مريح جدًا ومتوفر بـ3 ألوان أحمر، أصفر، برتقالي، وبسعر مش موجود غير عندنا فقط بـ 220 جنيه بدلاً من 300 جنيه، كانت هذه كلمات المنشور الدعائي الذي أثار جدلًا على موقع التواصل الاجتماعي "فيسبوك".

تعليقات رواد السوشيال ميديا

تداول حساب يحمل اسم "ساره حسين"، المنشور، معلقة: "هو أنا شايفة السليبر (الشبشب) ده على صفحات وشفته في مولات كبيرة للشوزات، بس بتكسف أسأل هو خروجي ولا بيتي، وهل بـ300 جنيه فعلا"، مضيفة: "لو خروجي هكون أسعد إنسانة في الكون علشان هخرج بشبشب الحمام أخيرا".

وعلق حساب يدعى "هاني مصطفى": "هو الألوان اللي على البتاع ده مش ألوان علم الشواذ ولا دي تهيؤات"، وسخر آخر: "يا بيه الشبشب ده لو خرجنا بيه هيبقى عيب وحرام".

وسخر حساب يدعى "محمد محمود" من المنشور الدعائي، قائلا: "يعني ده مش شبشب حمام بـ20 جنيه.. تؤ تؤ خروج بـ300 جنيه".

أحد مسئولي المحل يرد: "ده قوس قزح"

ورد خالد أشرف، أحد المسؤولين في المحل المتواجد بمحافظة القاهرة، خلال حديثه لـ"الوطن"، على تعليقات الأشخاص التي تزعم بأن الألوان المتواجدة على الشبشب للمثليين: "ده ملوش علاقة بعلم المثلين، ده شبه الريمبو اللي هو قوس قزح، لكن كل واحد بياخد الأمور على طريقة تفكيره".

وأضاف "أشرف": "الحاجات دي بنجيبها جاهزة، وموجودة في السوق كله يعني مش عندنا احنا بس، لكن احنا معندناش أي توجه من الاتجاه ده".

وتابع: "أي حاجة ليها مؤيدين ومعارضين، علشان نرد على كل واحد ونوضلحه الموضوع بيحتاج وقت كبير جدا، ومستحيل تقدر تقنع كل الناس".

وعن سعره المرتفع، رد قائلا: "ماتريال السليبر أحسن من الشباشب العادية طبعا، ومفهوش بلاستيك نهائي، كمان العلو اللي فيه ده بيكون غالي، ده غير أنه مطلوب من ناس كتير".