ملك تعاني من ضمور في المخ.. ووالدها: وقفت علاجها بسبب ديون 20 ألف جنيه
ملك تعاني من ضمور في المخ.. ووالدها: وقفت علاجها بسبب ديون 20 ألف جنيه
9 سنوات من المعاناة تعيشها ملك أصبيح، منذ ولادتها بضمور في المخ وقصور في الأعصاب، ورغم محاولات عديدة من والدها لمعالجتها إلا أن رحلتها العلاجية توقفت نظرًا لتراكم الديون على والدها.
وبنبرة صوت يملأها الحزن روى أصبيح صبح، القاطن في محافظة شمال سيناء، معاناة ابنته ملك، خلال حديثه لـ"الوطن": "بنتي بتعاني من المرض منذ ولادتها، حيث تم حجزها داخل الحضانة في العريش، لمدة 40 يوما، بسبب نزيف لديها، وأخبرنا الطبيب حينها بأن لديها ضمور في المخ وقصور في الأعصاب".
صدمة قوية تعرض لها أصبيح الذي لم تكتمل فرحته بولادة ابنته، وسرعان ما ازداد الأمر سوءا بعدما أخبره الطبيب، بضرورة الذهاب إلى دكتور مخ وأعصاب، بحسب أصبيح: "وديتها لدكتور مخ وأعصاب في الإسماعيلية، وتابعت معاه لمدة 6 سنوات، بعت خلالها شبكة زوجتى، علشان أقدر أصرف عليها، غير الديون اللي اتراكمت عليا من الجيران".
أصبيح: وقفت علاج بنتي وديوني وصلت لـ20 ألف جنيه
وبعد سنوات طويلة من العلاج، توقف أصبيح عن العلاج، خاصة بعدما أخبر الطبيب المعالج لابنته، أن حالتها نادرة وبذل قصارى جهده معها وليس هناك حل لتقدم حالتها، وفقا لما ذكره والد ملك: "الدكتور نصحني أني أوقف العلاج، علشان هتتعب في المصاريف بدون فايدة، خصوصا أنها كانت بتحتاج كل أسبوع أدوية تتراوح أسعارها من 800 إلى 1200 جنيه، بالإضافة إلى أن الدواء مش موجود عندنا فبضطر اجيبه من الإسماعيلية".
واستطرد حديثه: "اضطريت وقتها أوقف علاجها، ومن وقت للتاني البنت بيجيلها تشنج عصبي، وتتطلع دم من فمها، بروح بيها طوارئ المستشفى، بتقعد 6 ساعات تأخد العلاج اللازم وبعدين ارجعها البيت تاني، وكل فترة على الحال ده وحالتها بتسوء أكتر".
من 30 لـ50 جنيها فقط، العائد المادي الذي يستطيع أصبيح جمعه خلال اليوم، وفقا لما ذكره: "أنا شغال باليومية في سيناء ببيع خضروات وفاكهة، ده غير أن عندني 4 أولاد بالإضافة لطفل يتيم أهله اتوفوا ومربيهم عندي، كلهم طبيعين بس أكبر واحد عنده 11 سنة، فمفيش حد يقدر يساعدني منهم في الشغل لسه".
وبحسب "أصبيح": "ملك مش بتقدر تمشي بتحبي زي الأطفال الصغيرة، وبتلبس حفاضات لغاية دلوقتي، ومصاريفها حاليا بتوصل لحوالي 2000 جنيه شهري، وأنا فلوس اليوميات اللي بدخلها خلال الشهر متكملش الفلوس دي، فبضطر استلف من الجيرانلغاية ما الديون وصلت عندي لـ20 ألف".
