السيسي للجهات المعادية: هتروحوا من ربنا فين؟.. أقسم بالله ده تآمر
السيسي للجهات المعادية: هتروحوا من ربنا فين؟.. أقسم بالله ده تآمر
أقسم الرئيس عبدالفتاح السيسي، بأنّ ما تفعله بعض الجهات المعادية من تشكيك في كل ما يحدث بمصر، والعمل على هدم الدولة، أمر يرتقي إلى الخيانة، قائلا: "أنا بقول يمين أتحاسب عليه قدام ربنا، ده تآمر واضح، بتهدوا الدول ليه؟".
وأضاف السيسي، خلال افتتاحه مشروعات لوزارتي التعليم العالي والتربية والتعليم بالإسكندرية: "مش عاوز تساعد إحنا متشكرين، بس كمان ابعدوا عننا بشركم، مصر فيها 100 مليون عاوزينها تتقاتل وتتخرب؟، إحنا بنصلح اللي بقاله سنين اتساب ومتساب".
وتابع: "الحكومة بتتحرق معايا عشان متتحرقش مصر، عشان اللي ضمايرهم ضاعت ومش هامهم 100 مليون ويزوروا كل موضوع نعمله عشان يعملوا الإساءة، هتروحوا من ربنا فين لما تضيعوا 100 مليون؟، هتروحوا من ربنا فين، بقول كده عشان راهني كان دائما على المصريين ووعيهم".
