مدحت العدل بعد فيديو سعد الصغير: "مش هدخل في جدل معاه"
مدحت العدل بعد فيديو سعد الصغير: "مش هدخل في جدل معاه"
- مدحت العدل
- السينارست مدحت العدل
- الاهلي
- نادي الاهلي
- سعد الصغير
- الزمالك
- شيكابالا
- مدحت العدل
- السينارست مدحت العدل
- الاهلي
- نادي الاهلي
- سعد الصغير
- الزمالك
- شيكابالا
ردّ الكاتب والسيناريست مدحت العدل، على اتهامه بالتنمر، بأنَّه لم يتنمرعلى أي شخص، بعد أن اتهه جمهور النادي الأهلي بالتنمر على الفنان سعد الصغير.
وتساءل "العدل" في تصريحات خاصة لـ"الوطن": "هل أنا ادعيت على سعد أنه معملش كدا؟ هل هو مغناش بحبك يا حمار؟ زعلانين مني في إيه؟ إيه اللي أنا قولته غلط؟ وإيه مفهوم التنمر اللي طالعين بيقولولي أنت بتتنمر؟ أنا مش هدخل في جدل مع سعد الصغير".
وأضاف: "أنا لما كتبت التويتة ناس اتصلت بيا وقالت لي سعد هيزعل منك، قولتلهم لو زعل هعتذر له، لكن بعد الفيديو واللي قاله مش هرد عليه، طلع قال في الفيديو أنا لم أتعلم.. طب لما كسبت فلوس لماذا لم تكمل تعليمك؟".
وأوضح العدل، أنَّ "الموضوع كله كان عبارة عن ردي على كلمة قالها عدلي القيعي وهي وصفه جمهور النادي الأبيض بـ فاوست، فقالي أنت فاكر جمهور الزمالك يعرف يعني إيه فاوست، فأنا رديت يعني الجمهور اللي منه مجدي يعقوب ونجيب محفوظ وأحمد زويل ميعرفش يعني إيه فاوست، والجمهور اللي منه سعد الصغير واللي غنى (بحبك يا حمار) يعرف فاوست"، متسائلًا: "فين التنمر ده؟ التنمر هو اللي ممارس على شيكابالا من 20 سنة".
جدير بالذكر، أنَّ مدحت العدل كتب على حسابه الشخصي على مواقع التواصل الاجتماعى "توتير"، عقب هزيمة فريقه الزمالك على يد المقاولون العرب بهدفين مقابل هدف: "الجمهور اللي منه نجيب محفوظ وأحمد زويل ومجدي يعقوب ومثقفي وفناني مصر مش حيعرفوا فاوست، وصاحب أغنية (بحبك يا حمار) سعد الصغير مشجع أحد الأندية العربية حيعرفه.. يا أمة ضحكت من جهلها الأمم".
