قصار القامة يطالبون بممثل لهم فى مجلس النواب: عايزين حقوقنا
قصار القامة يطالبون بممثل لهم فى مجلس النواب: عايزين حقوقنا
- قصار القامة
- أقزام
- مجلس النواب
- حقوق
- أعضاء جمعية الأقزام المصرية
- الإسكندرية
- قصار القامة
- أقزام
- مجلس النواب
- حقوق
- أعضاء جمعية الأقزام المصرية
- الإسكندرية
طلباتهم بسيطة، يطمحون إلى عيش حياة كريمة، والاندماج مع الآخرين بهدوء ويسر، وممارسة حقوقهم دون التقليل من قدراتهم أو التنمر عليهم، لذا قام أعضاء جمعية الأقزام المصرية، بمختلف المحافظات، بكتابة مذكرة إلى الرئيس عبدالفتاح السيسى، يطالبون فيها بتعيين واحد منهم فى مجلس النواب المقبل، لمناقشة أوضاعهم ومساعدتهم فى الحصول على حقوقهم.
عصام شحاتة، مؤسس الجمعية، بمحافظة الإسكندرية، قام بتدوين بعض الطلبات لمساعدة الأقزام فى مصر، وذلك بعد أن تم اختياره من قبَل أعضاء الجمعية بكل المحافظات للتحدث باسمهم، ومنها تعيينهم بمقعد داخل مجلس النواب المقبل، وتوفير عمل يناسب قواهم البدنية، وتحقيق نسبة الـ5% بتوفير فرص عمل لهم داخل الشركات والهيئات، وتعديل قانون المعاش الخاص بهم، بدلاً من الحصول على معاش عند بلوغ الـ18 عاماً، والحصول عليه منذ ظهور علامات التقزم عند الولادة: «ده هيساعد كتير فى مصاريف العلاج، لكن لما يبقى عنده 18 سنة يقدر يشتغل ويوفر مرتب لنفسه». ويطالب «عصام» أيضاً بإجراء عمليات إطالة الساق على نفقة الدولة: «فيه دكتور واحد بس اللى بيعملها فى دمنهور، بيطوّل القزم مننا من 10 لـ15 سم، والعملية بتكلف 70 ألف جنيه، هنجيب منين؟!».
اتفقوا على اختيار شخص واحد ورفعوا شعار «عصام خير من يمثلنا»
«إحنا اخترنا عصام لأنه واحد مننا وحاسس بينا وعارف مشاكلنا كلها، وله دور كبير فى محو أمية الأقزام وتوفير ألعاب كرة قدم وسباحة لهم، هو أكتر حد هيقدر يساعدنا ويمثلنا»، بحسب محمد السيد، أحد الأعضاء، الذى يأمل أن يكون لهم مكان فى مجلس النواب لمناقشة أوضاعهم، والعمل على إصلاحها وإدماجهم داخل المجتمع: «عندنا أمل كبير الرئيس يحقق لنا طلبنا عشان إحنا كتير فى البلد وعددنا مش قليل ولنا مطالب».
ويطالب حسن رمزى، أحد الأعضاء، بتعيين «عصام» بمجلس النواب، فهو واحد منهم، وقد قدّم خدمات كثيرة للأقزام فى مصر، ويعمل على تعديل أوضاعهم وتحسينها: «ناقصنا إننا نندمج فى المجتمع ونلاقى شغل يناسبنا ويكون لنا مكان فى كل الأماكن والرياضات اللى بتتقدم والاعتراف بينا زينا زى باقى الناس، من غير ما نلاقى تنمر وسخرية من شكل جسمنا وطولنا لأن دى حاجة بتاعة ربنا».
ووفقاً لـ«حسن» فهو يريد تعيين واحد منهم، وليس خوض انتخابات برلمانية: «زميلنا مش معاه فلوس إنه يشتغل على الدعاية الإعلانية واحنا كلنا مختارينه ومتفقين عليه وعايزينه يمثلنا، فيا ريت الريس يساعدنا».
