أول كفيفة تتفوق في الفروسية: هناك علاقة جيدة بيني وبين الخيل

أعربت إسراء فرج طالبة في كلية الألسن، وأول فتاة شبه كفيفة تتفوق في بطولة مع الاتحاد المصري للفروسية، عن فخرها بما تفعله، لافتة إلى أنها كانت تخاف بشدة في البداية من ركوب الخيل، "كنت بخاف أركب حصان، وقعدت فترة طويلة أركبه بدون لمسه، لأني كنت خايفة منه، وفي لحظة بدأت أتعرف عليه، مش أنه حيوان ضخم ويخوف، لكن هو طيب وأليف، وبيحب الإنسان جدا، ولما حبيت الفرس اللي بركبه بدأ يساعدني".

وأضافت "فرج"، خلال مداخلة هاتفية في برنامج "السفيرة عزيزة"، المذاع على فضائية Dmc، أن "هناك علاقة جيدة بينها وبين الخيل، بتحبك وبتبقي عاوزة تساعدك من غير ما تكون عاوزة حاجة، وأنها ولدت لديها ضعف شديد في النظر وهذا موضوع وراثي، الحكاية بدأت معايا أني كنت في يوم عاوزة أركب حصان، وكنت خايفة في البداية، لكن بالنسبة للنظر، قلت مش هعرف أركب علشان مش هعرف أمشي بيه".

وتابعت: "الكابتن بتاعي بدأ يساعدني، ولما لقاني بستجيب معاه في التدريب، وبدأت أحفظ الأرض اللي بتمرن عليها بقيت بمشي لوحدي، في البداية كانوا بيمسكوني يمشوا بيا، والصعوبات اللي واجهتها في البداية، أني كنت بقع كتير، وبعد ما أقع بشوف أنا غلطت في أيه، خلاني أقع علشان أعرف غلطتي ومكررهاش تاني".

واستكملت، أن أهلها هم الداعمين لها في كل شيء، بالرغم من وجود رفض في البداية، نظرا لخوفهم الشديد عليها، لكن عندما وجدوا إصرار مني في استكمال ما بدأته ساعدوني كثيرا، ومن أول بطولة خضتها، بدأوا يدعموني بشكل أكبر، بالإضافة إلى الكابتن القائم على تدريبي.

• إسراء فرج
• كفيفة
• الإتحاد المصري للفروسية
• برنامج السفيرة عزيزة
• إسراء فرج
• كفيفة
• الإتحاد المصري للفروسية
• برنامج السفيرة عزيزة