زاهي حواس عن خلافه مع "بيونسيه": حارسها الشخصي ضرب مصورة

كشف خبير الآثار الدكتور زاهي حواس، سبب خلافه مع المطربة العالمية بيونسيه، موضحًا أن وزير السياحة، تحدث إليه وطلب منه أن يقابلها، وذلك في عام 2010.

وأضاف حواس، خلال برنامج "شيخ الحارة والجريئة" مع إيناس الدغيدي، على قناة "القاهرة والناس": "ميعادها الساعة 4 وجات الساعة 6، وأنا أكره عندي اللي يجي متأخر، جات متأخر، وكانت لابسة أبيض زي كليوباترا، ومقالتش أنا آسفة".

وتابع: "اتكلمت وكانت ظريفة جدًا، وكان معاها بودي جارد، وأنا كان معايا مصورة، والمصور بتاعها صورني معاها وخدت صور، والمصورة اللي معايا لما أخدت صور، مسك الكاميرا ورزعها في الأرض، وزق البنت، قمت أنا قلتله أقف، أنت ولا حاجة وهي ولا حاجة، انتو الاتنين بره، وطلبت الحراس يطلعوهم بره".

وأردف: "عندما خرجنا، وجدت عددًا كبيرًا من الصحفيين، سألوني بيونسيه، وقلت لها إنها غبية، طظ فيها، دي لم تحترم المكان اللي كان فيه".

• زاهي حواس
• وزير السياحة
• إيناس الدغيدي
• برنامج شيخ الحارة والجريئة
• زاهي حواس
• وزير السياحة
• إيناس الدغيدي
• برنامج شيخ الحارة والجريئة